بەهۆی بۆردومانی فڕۆکەکانی باشووری خەرتوم 40 کەس کوژران و بریندار بوون
ڕۆژی دووشەممە 6ی 1ی 2025، لە ئەنجامی هێرشە ئاسمانییەکانی سوپای سودان بۆ سەر باشووری خەرتووم لانیکەم 10 کەس کوژران و 30 کەسی دیکەش بریندار بوون.
بەگوێرەی ژووری باری نائاسایی باشووری خەرتووم هێرشەکان بۆ سەر وێستگەیەکی عەمبارکردنی سووتەمەنی ئەنجامدراوە و ئەمە سێیەم جارە لە ماوەی مانگێکدا ئەو شوێنە بۆردومان دەکرێت.
سەرچاوە خۆجێییەکان رایانگەیاند: کە زۆربەی قوربانییەکان هاووڵاتی مەدەنی بوون کە لە نزیک بازاڕ و دوکانەکانی خۆراک بوون.
هەروەها بەگوێرەی ڕاپۆرتەکان باری تەندروستی هەندێکیان مەترسیدارە.
گوڵان: سەردار خەلیل