هێرشی حزبوڵڵا بۆ سەر خاڵێکی سەربازی ئیسرائیل
خاڵێکی سەربازیی ئیسرائیل کە دەکەوێتە ناوچەی سنووری باشووری لوبنان، لەلایەن گرووپی حیزبوڵڵای لوبنانەوە هێرشی کرایە سەر.
گروپی حزبوڵای لوبنان لە بەیاننامەیەکدا ڕایگەیاند، كە بەچەکی قورس هێرشیان کردووەتە سەر ناوچەی سەربازی " Merc"ی ئیسرائیل کە دەکەوێتە ناوچەی سنووری باشووری لوبنان.
لە لایەکی دیکەوە بە پێی ڕاپۆرتی ئاژانسی هەواڵی فەرمی لوبنانی "ئێن ئێن ئەی"، سەربازانی ئیسرائیل بە گولەی تۆپخانە شارۆچکەکانی عیتا ئەلشەعب و ئۆدیسای سەر بە ناوچەی سنووری لوبنانیان کردە ئامانج.
لە 7ی ئۆکتۆبەرەوە تا ئێستا ٧٤ ئەندامی حیزبوڵا و ٤ سەربازی سوپای ئیسرائیل لە ململانێی نێوان سوپای ئیسرائیل و حیزبوڵا کوژراون.
گوڵان: سەردار خەلیل
