دیوانی (تەمەن)ی شاعیری دیاری كورد (ئەحمەد محەمەد) بە زمانی ئیتاڵی بڵاوكرایەوە
ئەمڕۆ شەممە ڕێكەوتی 7/10/2023 كاتژمێر 4ی ئێوارە,لە هۆتێلی رامادا لە شاری سلێمانی رێوڕەسمی بڵاوكردنەوەی دیوانی (تەمەن)ی شاعیری دیاری كورد (ئەحمەد محەمەد) بە زمانی ئیتاڵی بەڕێوەچوو .
ئەم مەراسیمە كە لەلایەن ناوەندی ڕۆشنبیریی ڕەهەند ڕێكخرا,ژمارەیەكي بەرچاو لە نووسەر و كەسایەتی دیاری شاری سلێمانی ئامادەی ناساندن و بڵاوكردنەوەی دیوانە شیعرییەكە بوون كە لە زمانی كوردییەوە وەرگێڕدراوەتە سەر زمانی ئیتاڵی .
شایەنی باسە..پێشەکی دیوانە شیعرییەکە لەلایەن کونسوڵی گشتی ئیتاڵیا دکتۆر (میکێلی کامێرۆتا) بە زمانی ئیتاڵی نوسراوە، هەروەها دکتۆر (بەرزان یاسین) توێژینەوەی بۆ کردووە و (تاریق بزەینی) شیعرەکانی وەرگێڕاوە بۆ زمانی ئیتاڵی,كە ئەمەش یەکەمجارە لە مێژووی شیعری لیریکی کوردیدا کارێکی لەم جۆرە بکرێت و کونسوڵێك پێشەکی کتێبێك بنووسێتەوە.
گوڵان-ئاسۆ كاكەیی