زەیتی كونجی Sesame oil سەرچاوەیەكی دەوڵەمەندە بۆ پرۆتین، ئۆمیگا3، ئۆمیگا6، ڤیتامینەكانی E، B، K، كانزاكانی زینك، ئاسن، مەگنسیۆم، ماددە دژەئۆكسانەكانی سیسامۆل Sesamol، سیسامین Sesamin، لەگەڵ ماددە فایتۆستیرۆلەكان و لیگنانەكان Lignans. بەهای تەندروستیی زەیتی كونجی: دابەزاندنی ئاستی چەوریی گلیسیریدە سیانییەكان و بەرزكردنەوەی ئاستی كۆلیستیرۆڵی باش HDL لە خوێندا، پاراستنی تەندروستیی دڵ، دابەزاندنی پەستانی خوێن، كەمكردنەوەی ئاستی هەوكردن لە لەشدا، پاراستنی پێست لە بەكتریا و كەڕوو لەگەڵ كەمكردنەوەی كاریگەریی تیشكی سەرووی وەنەوشەیی لەسەر پێست و پاراستنی توانای لاستیكیی پێست، یان دواخستنی لۆچبوونی پێشوەختە، كۆنترۆڵكردنی كێشی لەش، سووككردنی نیشانەكانی هەوكردنی جومگە لە ئازار و سخبوون، باشتركردنی تەندروستیی ئێسك، ڕێكخستنی ئاستی شەكری خوێن، بەتایبەتی لە تووشبووان بە نەخۆشیی شەكرەدا، پاراستنی تەندروستیی قژ و كەمكردنەوەی تەنكبوونی قژ، باشتركردنی مەزاج، سووككردنی سترێس، سوككردنی نیشانەكانی پەستی و خەمۆكی.