ئەمڕۆ (پێنجشەممە) لەنزیک سیئۆلی پایتەختی کۆریای باشوور 13 کەس برینداربوون، دوای ئەوەی ئۆتۆمبێلێک خۆی بەناو قەرەباڵغییەکدا كێشا و دواتر بە چەقۆ هێرشی کردە سەریان.

بەرپرسانی پۆلیسی کۆریای باشوور ڕایانگەیاندووە، ڕووداوەکە لە شاری « سیۆنگنام » لە نزیک سیئۆل ڕوویداوە و تۆمەتبارەکە سەرەتا بە ئۆتۆمبێل لە خەڵكەكەی داوە و دواتر بە چەقۆ هێرشی کردووەتە سەر کەسانی دیکە.

لەم ڕووداوەدا بە گشتی ١٣ کەس بریندار بوون.

هاوکات بەرپرسانی پۆلیسی خۆجێی لە ڕاگەیەندراوێکدا ڕایانگەیاند: کە کەسێک لە پێوەندی لەگەڵ ئەم ڕووداوەدا دەستگیرکراوە.

12 کەس کە لەم ڕووداوەدا بریندار بوون، ڕەوانەی نەخۆشخانە کراون.

تا ئێستا هۆکاری هێرشەکە ئاشکرا نەکراوە و لێکۆڵینەوە لەو بوارەدا دەستی پێکردووە.

ئەم ڕووداوە تەنها چەند ڕۆژێک دوای ڕووداوێکی دیکەی هێرشی چەقۆ دێت لە سیئۆل کە بەهۆیەوە کەسێک کوژرا و سێ کەسی دیکەش بریندار بوون.

 

 

 

گوڵان: سەردار خەلیل