لە شاری كەركوك فیستیڤاڵی شیعری (مەلای جەباری) بەڕێوەدەچێت

خاوەنی بیرۆکەو سەرۆکی فیستیڤاڵ (ئەسوەد فایق) بەم شێوەیە باسی فیستیڤاڵەكەی کرد .
لە ڕاستیدا من لەکاتی سەردانی گۆڕی مەلای جەباری لەگوندی بانگۆل ئەم بیرۆکەیەم لادرووست بوو چونکە پێشتر من دیوانە شیعرێکەم خوێندبوەوە گەورەیی و جوانی ئەم شاعیرەم بەدی کرد .. بۆیە بڕیارمدا هەوڵ بدەم بۆ درووست کردنی فیستیڤاڵ وە بەهاوکاری کۆمەڵێ ڕۆشنبیر و نووسەر ئەم فیستیڤاڵەمان هێنایە ئاراوە .
فیستیڤاڵ لە چەندین لیژنە پێکهاتووەو هەر لیژنەیەك کار و ئەرکی خۆی هەیە سەرۆکی فیستیڤاڵ لیژنەی سەپەرشتیار لیژنەی باڵا ، لێژنەی ڕاگەیاندن و لیژنەی پێشوازی ، وە لیژنەیەکی دادوەری شارەزاو بەتواناش بۆ هەڵسەنگاندنی شیعرەکان و دانانی خەڵاتی یەکەم ، دووهەم ، سێ هەم

خەڵاتی جەماوەریشمان بۆ شاعیرێک هەیە .. وەدیوانی مەلای جەباری دووبارە چاپ دەکرێتەوە دابەش دەکرێت بەسەر میوانەکاندا شیعری تەواوی شاعیرە بەشداربووەکان چاپدەکرێت ، وە پانێڵێك ڕێكدەخرێت بۆ شەش شارەزاو دکتۆر دەربارەی مەلای جەباری و شیعرو شانۆ و شعرو میوزیک . سی ویەك شاعیر بەشداری لە پێشبڕکێیەكە دەکات بۆ خەڵاتەکان و ئاهەنگێکی بچووکی کەلتووری سازدەکرێت,ماوەتەوە ئەوە بڵێم كە تەواوی خەرجی ئەم فیستیڤاڵە لەلایەن چەند کەسێکی دڵسۆزی شیعر و ئەدەبی کوردیەوە دابین کراوە.
هەروەها چوار کتێبی دوو نوسەری کەرکوك و سلێمانی بە خەڵات دەدرێت بەمیوانەکان .. ئەم فیستیڤاڵە دەکرێتە فیستیڤاڵێکی ساڵانە بۆ هەر ساڵێکیش خەڵاتی ساڵ دەدات بە دوو نوسەر یان هونەرمەند بۆ ئەم ساڵ دەدرێت بە هونەرمەندان (شکور خەیات) و (سیروان عومەر),لەخولەکانی تری فیستیڤاڵ دەکرێت بە دوو ڕۆژ یان زیاتر بەڵام ئەمساڵ وەک یەکەم خول بۆ یەك ڕۆژە لە کاتژمێر ٩ی بەیانی تاوەكو نۆی شەو بەردەوام دەبێت .
وە چەند شاعیرێك وەك میوانی فیستیڤاڵ شیعر دەخوێننەوە .
وە لە هەردوو شارەجوانەکەی مەریوان و سنەوە شاعیر بەشدار دەبێت بۆ پێشبڕکێ لە فیسیڤاڵ بەهیوام فیستیڤاڵ ببێتە ئەوەی فەرهەنگ و کەلتوری کوردی لەشاری کەرکوك بە زیندوویی بهێڵێتەوە .