سەندیکای پزیشکانی سودان زیادکردنی ژمارەی قوربانیانی مەدەنی لە ململانێکانی ئەو وڵاتە بۆ ٨٦٦ کەس ڕاگەیاند.

لە بەیاننامەیەکدا سەندیکای پزیشکانی سودان ژمارەی قوربانیانی مەدەنی لە شەڕ و پێکدادانەکانی ناوچە جیاجیاکانی وڵاتەکەی بە 866 كەس و ژمارەی بریندارەکانیش بە 3721 کەس ڕاگەیاند.

ئەم سەندیکایە ڕۆژی پێنجشەممە ڕایگەیاند کە لە سەرەتای شەڕ و پێکدادانەکانەوە تا ئێستا ٨٦٥ هاووڵاتی مەدەنی لە ناوچە جیاجیاکانی وڵات کوژراون و سێ هەزار و ٦٣٤ کەسی دیکەش بریندار بوون.

وەزارەتی دەرەوەی سعوودیە ڕۆژی یەکشەممە ڕایگەیاند: کە ڕیاز و واشنتۆن وەک ناوبژیوان لە نێوان لایەنە ناکۆکەکانی سودان، داوای درێژکردنەوەی وادەی ئاگربەستیان لەم وڵاتە کردووە.

هاوکات، دووشەممەی ڕابردوو، سوپای سودان و هێزەکانی پشتیوانی خێرا بە نێوەندگیری سعودیە و ویلایەتە یەکگرتووەکانی ئەمریکا، لە کۆبوونەوەی جددا کە لە 6ی ئایار دەستیپێکرد، ڕێککەوتن لەسەر ئاگربەستی 7 ڕۆژە. سەرەڕای ڕاگەیاندنی ئاگربەستی ٧ ڕۆژە لەنێوان لایەنە ناکۆکەکان، شەڕ و پێکدادانی قورس لە ناوچە جیاجیاکانی خەرتوم بەردەوام بوو.

لە ١٥ی نیسانەوە شەڕ و پێکدادان لە نێوان سوپای سودان و هێزەکانی پشتیوانی خێرا دەستیپێکرد و چەندین جار ئاگربەست ڕاگەیەندراوە، بەڵام لایەنەکان بەردەوامن لە پێشێلکردنی.

پێویستە ئاماژە بەوە بکرێت کە شەڕ و پێکدادانەکانی نێوان سوپای سودان و هێزەکانی پشتیوانی خێرا لە ١٥ی نیسانەوە دەستیپێکردووە. تا ئێستا ٧ جار ئاگربەست ڕاگەیەندراوە، بەڵام لایەنەکان بەردەوام پێشێلی دەکەن.

 

 

گوڵان: سەردار خەلیل