کۆمیتەی دەوڵەتی بۆ ئاسایشی نەتەوەیی تاجیکستان لە بەیاننامەیەکدا ڕایگەیاند، دوو تیرۆریست کە بەنیازبوون بە شێوەیەکی نایاسایی لە ئەفغانستانەوە بەرەو تاجیکستان بپەڕنەوە، لەلایەن هێزە ئەمنییەکانی ئەو وڵاتە کوژراون.

لەم بەیاننامەیەدا هاتووە: دوابەدوای ئەم ئۆپەراسیۆنە، دەست بەسەر ٢ کڵاشینکۆف، ٢ کۆڵت، ٨ نارنجۆک، ١٢ مەخزەن، ١٩ پاکەتی تەقەمەنی، ٢ ئامێری پەیوەندی تایبەت و ٢ مۆبایلی سەر بە تیرۆریستان گیراوە.

لەسەر بنەمای ئەمەش پێکدادان لە نێوان تیرۆریستان و هێزە ئەمنییەکانی تاجیکستان دروست بووە.

لەم بەیاننامەیەدا هاتووە کە لێکۆڵینەوە سەبارەت بەم ڕووداوە دەستی پێکردووە و لێکۆڵینەوەکان بەردەوامن بۆ دیاریکردنی ناسنامەی تیرۆریستان و ئەندامانی دیکەی ئەم باندە.

 

 

 

گوڵان: سەردار خەلیل