ئەڤرۆ ئەینى 24/3/2023، سەرۆك مەسعود بارزانی، بەھینامەیەک بۆ وەغەرا دیماھیێ یا محەمەد خالد بۆسەلی، پێشمەرگێ ھەردوو شۆرەشێن ئەیلول و گولانێ و ھەلگرێ مەدالیا بارزانیێ نەمر بەلاڤکر.

دەقێ پەیاما سەرۆك بارزانی:

ب ناڤێ خودایێ مه‌زن و دلۆڤان

ب خه‌م و كۆڤانه‌كا مه‌زنڤه‌ خه‌به‌رێ وه‌غه‌را دۆماهیێ یا تێکۆشەر و خەباتگێڕێ گەلێ مه‌ و پێشمه‌رگێ هه‌ردوو شۆڕه‌شێن ئەیلوول و گوڵانێ (محەمەد خالد بۆسەلی) گه‌هشته‌ من.
محەمەد خالد بۆسەلی قارەمانەکێ گەلێ کوردستانێ و نموونێ قوربانیدان و ماندینه‌ناسیێ بوو و وشه‌ نه‌شێن وه‌سفا فیداکاریا ئەوی مرۆڤێ خۆڕاگر بکەن. محەمەد خالد بۆسەلی بابێ شەهیده‌کێ قارەمان ژی بوو و هه‌می ژیانا خۆ د ناڤ ته‌نگاڤیا و ژ پێخه‌مه‌ت دۆزا میلله‌تێ خۆ ته‌رخان كر و ژ ده‌ست دانا وی خوساره‌ته‌كا مه‌زنه‌.

پرسە و سەرەخۆشیێت خۆ ئاراستەی بنەماڵە و خزم و کەسوکارێت خودێ ژێ رازی و هەمی تێکۆشەرێن کوردستانێ و پێشمەرگێت قارەمان دکەم و خۆ ب هه‌ڤپشكێ خەما وان دزانم.
داخازا من ژ خودایێ مه‌زن ئه‌وه‌ ڕۆحا خودێ ژێ رازی محەمەد خالد بۆسەلی ب به‌هه‌شتا به‌رین شاد بكه‌ت و سه‌بر و هه‌دارێ بده‌ته‌ هه‌می لایه‌كێ.

انا للە و انا الیە راجعون

مسعود بارزانی
24ی ئادارا 2023