لەمەراسیمێکی شکۆداردا هۆڵی کتێبخانەی گشتی شاری هەولێر بەڕێز (موزەفەر ئەحمەد عەباس) نوێنەری کۆنفدراسیۆن و ناوەندی ڕەوەندی کوردستانی لە هەرێمی کوردستان بە ئامادەبوونی ژمارەیەک بەرچاو لە ڕۆشنبیران ،هونەرمەندان ، نوسەران ،شاعیران و کەسیاتی سیاسی ،خەڵاتی ڕێزلێنانی ناوەندی کۆنفدراسیۆن و ناوەندی ڕەوەندی کوردستانی بەشاعیری ئەمازیخی (خاتوو مەلیکە مەزان) بەخشی

ـ شایانی باسە، خاتوو مەلیکە مەزان شاعیری مەغریبی و گەلی ئامازیخیی لە ساڵی 1960 لە باکوری ئەفریقا لەدایکبووە ، ئەوخاتونە بەدۆستێکی گەورەی گەلی کورد ناسراوە ،یەکێکە لەوانەی هەمیشەخۆشەویستی بۆ گەلی کورد و ئاڵاو خاکی کوردستان و پێشمەرگەو خوێنی شەهیدان و سەروەر وسبولی نەتەوەکەمان هەبووە ، لەماوەی 30 ساڵی ڕابردوو وەک دۆست ودڵسۆزێکی بەئەمەک خۆشەویستی گەلی کورد لەمەیدان بووە ، داکۆکی لەدۆزی گەلی کورد کردووە ، چەندین لێکۆڵینەوە و رۆمان ودیوانی شیعری کاریگەری لەسەر کوردهەیە،بەردەوام لە ڕێی بەرهەمەکانیەوە پشتگیری لەگەلی کوردستان و دۆزە ڕەواکەی دەکات و ڕێزی زۆری بۆ قوربانیدان و تێکۆشانی پێشمەرگە هەیە