پڕۆژەی ئیمارات بۆ دروستکردنی بەندەرێکی نوێ لە یەمەن بە بەهای 100 ملیۆن دۆلار
![پڕۆژەی ئیمارات بۆ دروستکردنی بەندەرێکی نوێ لە یەمەن بە بەهای 100 ملیۆن دۆلار](https://gulanmedia.com/public/images/posts/20230103203849_original_16.jpg )
حکومەتی یەمەن گرێبەستێکی لەگەڵ ئیماراتی یەکگرتووی عەرەبی پەسەندکرد، بۆ دروستکردنی بەندەرێکی دەریایی نوێ لە ناوچەی ڕاس شێروین لە پارێزگای ئەلمهرە بە وەبەرهێنانی ١٠٠ ملیۆن دۆلار.
ئاژانسی هەواڵی ڕۆیتەرز ڕایگەیاندووە: ئەم دەروازە نوێیە تایبەت دەبێت بە چالاکییەکانی بازرگانی کانزاکان لە پارێزگای ئەلمهرە، لە دوورترین بەشی ڕۆژهەڵاتی یەمەن.
ئەم ئاژانسە هەواڵییە لە قسەی بەرپرسێکی خانەنشینکراوی حکومەتی یەمەنەوە بڵاویکردەوە: ئەم گرێبەستە لەگەڵ کۆمپانیای ئیماراتی ئەجهام واژۆ کراوە بە مەبەستی دروستکردنی بەندەرێکی دەریایی نوێ لە ناوچەی ڕاس شێروین لە پارێزگای ئەلمهرە بە شێوازی دروستکردن و کارپێکردن و ڕادەستکردنی .
ئەو سەرچاوەیە کە داوای کرد ناوی ئاشکرا نەکرێت، گوتیشی: ئەم پڕۆژەیە بریتییە لە دروستکردنی بەندەرێک کە پێکهاتووە لە زمانێکی کەناراوی فرە ئاست کە درێژی 1000 مەتری شەپۆل شکێن و دەرچەیەکی 300 مەتری بۆ بەستنەوەی کەشتی و دەرچەیەکی 14 مەتری- نافورەی خواردنەوە لە قۆناغی یەکەمدا.
بەگوێرەی ئەم سەرچاوەیە، ئەم دەروازە تایبەت دەبێت بە هەناردەکردنی بەردی لیم و کانەکانی دیكە، هەروەها گواستنەوەی دەفر و کەلوپەلی جۆراوجۆر و پێداویستی کەشتی تەرخان دەکرێت.
گوڵان: سەردار خەلیل