متمانە بەخۆبوون یەكێكە لەو سیفاتە گرنگانەی كە پێویستە لە هەموو تاكێكدا هەبێت، چونكە متمانە بەخۆبوون دەمانكات بە خاوەنی كەسایەتییەكی بەهێز و هەلی گەیشتن بەخەونەكانمان زیاتر دەكات ،زانایانی دەرونناسی كۆمەڵێك ئامۆژگاریان بۆ ئەو كەسانە پێشنیار كردووە كە دەیانەوێت متمانە بەخۆیان بكەن، بۆ ئەنجامدانی كارەكانیان پشت بە كەسی تر نەبەستن.

1_پێویستە خودی خۆت بیت و بیر لە قسەی كەسانی چواردەورت نەكەیتەوە و ڕێگە نەدەیت كەسانی تر بڕیار لەسەر ژیانت بدەن .

2_ئامانجەكانی ژیانت دیاری بكە و پلان بۆ داهاتوو دابنێ و بریار بدە كە لە ژیانتدا دەتەوێت بە چ شتێك بگەیت.

3_میهرەبان بە لەگەڵ خودی خۆتدا هەرگیز بەهۆی قسەی كەسانی ترەوە سەرزەنشتی خۆت مەكە .

4_بەهێزبە و كۆڵمەدە و كەوتنەكانت مەكە بە كۆسپ، چونكە ژیان بەوجۆرەیە تا جارێك سەردەكەوی دووجار دەكەویت، بۆیە كۆڵمەدە و بەردەوام بە .

5_ڕۆژانە كاتێك دابنێ بۆ مەنەلۆگ كردن لەگەڵ خۆتدا .

هۆكارەكانی كەم بوونەوەی متمانە بەخۆبوون :

1_ترس و ڕاڕایی و دڵە ڕاوكێ و شپرزەیی لەوەی كە كردەوەیەك یان هەڵسوكەوتێك یان گوفتارێكت هەێت بەڵام نەشیاوبێت و خەڵك بەدڵیان نەبێت .لەوانەیە گاڵتەت پێ بكەن .

2_دەڵێێت كە من كەسێكی لاوازم وكەم ئەرزشم وناتوانم هیچ شتێكی بەسوود ئەنجام بدەم، ئەمجۆرە بیركردنەوە خراپترین هۆكارە بۆ كوشتنی داهێنان و وزە لەخۆتدا، دەبێتە هۆی ئەوەی ئەو كەسانە ،سەرنەكەون و لە قوناغەكانی خوێندندا ڕووبەڕووی ڕەخنەی هاوڕێ و دایك و باوك و مامۆستاكانیان ببنەوە، یان هەدێ‌ ڕووداوە كۆنەكانی ژیانیان كە تەریق كردنەوە و سەرزەنشت كرد و تانەلێدان لە تواناكانت بووە .

بەكۆمەڵێك ڕێگا متمانە بۆخۆت دروست بكە:

1_وشەی ناتوانم لە فەرهەنگی خۆتدا بسڕەوە بڵێ ئەتوانم و دڵنیابە لە خۆت و لە ئەوەی كە ئەتوانیت .

2_هاوڕێیەتی ئەوكەسانە بكە كە هەمیشە بەرچاو ڕوون و گەشبینن و لەكەسانی ڕەشبینن دووربكەوە .

3_دروستكردنی هەستی لەخۆ بووردەیی و هەوڵدان و كۆڵنەدان و بەردەوامی لەخۆتدا .

4_دیاری كردنی ئامانج بۆ هەموو كارەكانت كە ئەتەوێت ئەنجامیان بدەیت .

5_پێویستە كەسێكی پۆزەتیڤ بیت و پۆزەتیڤانە بیربكەیتەوە .

6_پێویستە ڕۆژانە كاتێكی دیاری كراوت هەبێت بۆ وەرزش كردن و ڕۆیشتن بەپێ .

7_پێویستە ڕووبەڕووی هەموو ئەو شوێن و شتانە ببیتەوە كەلێیان ئەترسیت، چونكە ئەو ترسانە بێ متمانەیی بەخود دروست دەكات .

8_متمانەی تەواوت بەخۆت و تواناكانی خۆت هەبێت و گوێ لە بەهرە وتواناكانی خۆت بگرە.

نیشانەكانی كەمی متمانە بەخۆبوون .

ئەو كەسانەی كە متمانەیەكی كەمیان بەخۆیان هەیە له گفتووگۆ و قسەكردندا ناتوانن كەسی بەرامبەریان ڕازی بكەن، هەروەها كاتێكیش كە هەق بە كەسی بەرامبەر نەبێت، هەقی پێ ئەدەن لە پێناوی ئەوەی ئەو باسە دابخرێت و زۆر قسە و گفتوگۆی لەسەر نەكرێت، بەخێرایی رازی دەبن، هەروەها بەردەوام ئەو كەسانەی كە متمانەیان بەخۆیان نییە یاخود متمانەیەكی كەمیان بەخۆیان هەیە لەناو كۆڕ و كۆبوونەوەكاندا ئاسوودە نین و كاتێك كە هاوڕێ و كەسێكی نزیكی خۆیان لە كۆبوونەوەكە بوونی نەبیت، قسەكردن بۆیان زۆر قورس و ئەستەم دەبێت، ئەو جۆرە كەسانە ئەگەر ِرەخنەیان لێ بگریت ڕەخنەكە قبوڵ ناكەن و بەر هەڵستی دەكەن و زویر ئەبن. هەروەها ئەو جۆرە كەسانەی كە متمانەیان بەخۆیان كەمە لە باسكردنی بیرو باوەڕی خویان دەترسن لەوەی تووشی دڵەڕاوكێ و ترسێكی زۆر دەبن ، كەسانێكن كە بیرو باوەری خۆیان دەگۆڕن هەرگیز بیرو باوەڕێكی جێگریان نییە، بەڵكو بەپێی بارودۆخ بیرو باوەریان دەگۆڕن و كەسانێكن كە ناتوانن كۆنترۆڵی ژیانی خۆیان بكەن و بەخێرایی پاشەكشێ دەكەن و چێژ لە بردنەوەكانیان نابینن وهەمیشە كەسانێكن ڕەشبینن و چاوەڕێ دەكەن هەمووان لێیان ڕازی بن

 

 

بێلان ڕۆژبەیانی