سوپای میانمار ڕۆژی پێنجشەممە ڕایگەیاند: کە نزیکەی شەش هەزار زیندانی ئازاد دەکات کە باڵیۆزێکی پێشووی بەریتانیا و ڕۆژنامەنووسێکی ژاپۆنی و ڕاوێژکاری ئابووری ئوسترالیای تێدایە، حكومەتی میانمار ڕایگەیاندووە، كە هەرسێکیان دیپۆرت دەکرێنەوە، بەبێ ئەوەی وادەیەک دیاری بکات.

ئەم  وڵاتەی باشووری ڕۆژهەڵاتی ئاسیا لە دوای کودەتای سەربازی ساڵی ڕابردوو و سەرکوتکردنی خوێناویی ناڕازییەکان کە هەزاران کەسی زیندانی کردووە، لە ئاڵۆزیدایە، هەروەها دەیان هاووڵاتیی بیانیش لەم سەرکوتکردنەدا گیریان خواردووە.

حکومەتی کودەتاکە ڕایگەیاند: بە گشتی پێنج هەزار و ٧٧٤ زیندانی ئازاد دەکرێن کە نزیکەی ٦٠٠ زیندانیی ژنیشیان تێدایە.

پێویستە ئاماژە بەوە بکرێت کە سوپای میانمار کودەتایەکی لە دژی حکومەتی مەدەنی ئەنجامدا، ئانگ سان سووچی، ڕێبەری نیشتمانیی ئەم وڵاتە و هەزاران کەسی خستۆتە زیندانەوە.

 

 

گوڵان: سەردار خەلیل