ئاوێنەی زیرەك لە سەردەمی دیجیتالیدا گرنگی خۆی هەیە، ئەوان تەنیا ئاوێنەیەك نین بەكارهێنەر خۆی تێدا ببینێت، بەڵكو هەواڵەكانی رۆژ بڵاودەكەنەوە، كەش و هەوا نیشان دەدەن و زانیاری لەبارەی چۆنییەتی دەست و ددان شوردن بڵاودەكەنەوە و فیلم نیشان دەدەن و زۆر ئەركی دی كەش.

ئاوێنەی himirror slide smart mirror سەرەڕای ئەوانەی ئاماژەمان پێدان زانیاری لەبارەی پێستی بەكارهێنەرەكەی بڵاودەكاتەوە و بەكارهێنەرەكەی لە چۆنییەتی شوردن و بەكارهێنانی كرێمی تایبەت ئاگادار دەكاتەوە. هەروەها روونكردنەوە لەسەر كاریگەریی و زیانەكانی مادە ئارایشەكان دەدات. تەنانەت رێنوێنی لەبارەی كرێم و داودەرمانی نوێ بڵاودەكاتەوە. یەكێك لە تایبەتمەندییە گرنگەكانی ئاوێنەكە ئەوەیە بەر لەوەی هیچ ئارایشێك بكەی، روخسارت بە شێوەی ئارایش كراو نیشان دەدا، تاكو بزانی لەو جۆرە ئارایش كردنە رازی یان نا؟