گەشتیارێكی ئێرانی لە شاری ئاغری تورکیا بە تۆمەتی  گواستنەوەی ماددەی هۆشبەر دەستگیرکرا، ئەو گەشتیارە بەناوی مێهران .ن. یەک کیلۆ و ١٢٦ گرام تریاکی بە قوتدانی کەپسول لە گەدەی هەڵگرتبوو.

پۆلیسی تورکیا لەسەر ڕێگای گشتی ئاغری - ئەرزرۆم پاسێکی سەرنشینیان ڕاگرت و لەکاتی گەڕان و پشكنینی سەرنشینانی پاسەکە گومانیان لە یەکێک لە سەرنشینان كرد، لەكاتی پشكنین بە رادیۆگرافی ، دەركەوت كە گومانلێکراوەکە ماددەی هۆشبەری لە گەدەدا هەڵگرتوە بە قوتدانی کەپسول کە تریاکی تێدایە.

تۆمەتبارەكە دەست بەسەر كراوە و گوازراوەتەوە بۆ فەرمانگەی داواكاری گشتی.

لە ڤیدیۆیەکدا پڕۆسەی دەستگیرکردن و دەستبەسەرکردن بڵاوکراوەتەوە، قۆناغی "شوشتنی کەپسولەکان لە گەدەی تۆمەتبارەکە و دانانیان لە جانتایەکی پلاستیکیدا" پیشان دەدات.

 

 

گوڵان: سەردار خەلیل