لەیلا فەریقی ئامادەی نمایشی شانۆیی (دوا ڕۆژەكانی بابلۆ) دەبێت
خانمە هونەرمەندی كورد (لەیلا فەریقی) ئامادەی نمایشی شانۆگەری (دوا ڕۆژەكانی بابلۆ) بوو لە شاری هەولێر .
لەیلا فەریقی لە نوێترین دەركەوتنیدا لەگەڵ ئاوازدانەری كورد (هەوڵكەوت زاهیر) لەشاری هەولێر ئامادەی نمایشی شانۆگەری دواڕۆژەكانی بابلۆ بوون .
دوای ئەوەی لە شاری سلێمانی بۆ ماوەی 55 ڕۆژ لە نمایشی بەردەوام بوو,شانۆگەری (دواڕۆژەكانی بابلۆ) لە هەولێر دەستی پێكرد و بڕیارە بۆ ماوەی یەك مانگ ڕۆژانە كاتژمێر 6ی ئێوارە لە هۆڵی میدیا لە نمایشكردنی بەردەوام بێت .
شانۆگەری (دوا ڕۆژەكانی بابلۆ) كە تۆڕی میدیایی ڕووداو سپۆنسەری نمایشەكەیە, بەرهەمێكی كۆمێدی و موزیك ئامێزە, (شوان كەریم) كاری دەرهێنانی ئەنجامداوەو سۆران عوسمان و كۆمپانیای سۆ ماركێتینگ بەرهەمهێنەری ئەم كارە هونەرییەن,هەروەها لەم شانۆگەرییە رێشان حەمۆ و رووبار خالید و سۆران ئەكرەم و تاهیر عەبدولواحید وهەنار كەریم و ژمارەیەك ئەكتەری كورد ڕۆڵی تێیدا دەگێڕن .
ئاسۆ كاكەیی