دیداری كەركوك بۆ مەقامات بەڕێوەچوو

لە بیرەوەریی مەقامبێژی گەورەی کورد لە کەرکووک، دیداری عەلی مەردان رێکخرا و چەندین بەرهەمی مەقامات بە کوردی و  عەرەبی و تورکمانی لەو دیدارەدا پێشکەشکران.

لەم بارەیەوە نوردەین جاف كە سەرۆکی لیژنەی باڵای دیدارەکەبوو ڕایگەیاند "توانیمان ئەو کۆمەڵە هونەرمەندانە لە بەغدا و کەرکووک کۆبکەینەوە بۆ ئەوەی بەرهەمەکانیان لێرە پێشکەش بکەن بە هەرسێ زمان, هەروەها ئاماژەی پێدا كە سێ گرووپ لەم دیدارەدا بەشداربوون كە ئەوانیش بریتین لە گروپی ماڵی عود لە شاری بەغدا-گروپی ماڵی مەقام لە كەركوك-تیپی موزیكی كەركوك .

بەشداربووانی ئەم دیدارە کە بە زمانە جیاوازەکان مەقاماتیان گوتەوە، بەرهەمەکانی (عەلی مەردان) بە کۆڵەکەیەکی گەورەی هونەری مەقام بۆ خۆیان دەزانن و ئەمڕۆ لەسەری دەخوێنن .

ئاسۆ كاكەیی