ئایا شاباز زەمانی واز لە كاری هونەری دەهێنێت
![ئایا شاباز زەمانی واز لە كاری هونەری دەهێنێت](https://gulanmedia.com/public/images/posts/20220219093446_original_50.jpg )
هونەرمەندی گۆرانیبێژ (شاباز زەمانی) لە پێگەی خۆی لە تۆڕی كۆمەڵایەتی ئەنستگرام سەرجەم بڵاوكراوەكانی سڕیەوەو لە ئێستادا تەنها یەك بڵاوكراوە ماوەتەوە كە ئەویش بریتییە لە ڕاگەیاندنی وازهێنانی لە كاری گۆرانی .
شاباز لەم بڵاوكرایەوە نووسیویەتی: من یەكەم كەس نیم كە بە دڵ شكاوی واز لە هونەر بهێنم خۆتان نیگەران مەكەن, هەروەها لە بەشێكی دیكەی نووسینەكەیدا دەڵێت: هیوادارم تا ئەو كاتەی دیاریم كردووە بتوانم خزمەتی گوێگری خۆم بكەم .
هەروەها لە كۆتا بەشی ئەم بڵاوكراوەیە شاباز بەبێ ناوهێنانی هیچ كەسێك ڕەخنە دەگرێت و دەڵێت: هونەر كردن لەم وڵاتە زۆر سەختە بە داخەوە كە ئەم ووشە ئەڵێم ئەوەی هێزی هەیەو بەردەوامە من پێم وایە هەست لە هونەرەكەیدا نییە .
![ئایا شاباز زەمانی واز لە كاری هونەری دەهێنێت](https://gulanmedia.com/public/images/posts/20220219092722_big_770x552_50.jpg )
لەگەڵ بڵاوكردنەوەی بڕیاری وازهێنانی شاباز زەمانی لە كاری هونەری, هەریەك لە بەرزان بابانی و شاڵاو مولەر یەكەم كەس بوون كە پاڵپشتی خۆیان بۆ شاباز دەربڕی و داوایان لێ كرد كە لە بڕیارەكەی پاشگەز بێتەوە .
شایەنی باسە..لە چەند هەفتەی ڕابردوودا لە یەكێك لە كافتریاكانی شاری سلێمانی ڕووداوێكی تەقە كردن ڕوویدا و بەهۆیەوە كەسێك برینداربوو, لەم بارەیەوە ووتەبێژی بەڕێوەبەرایەتی پۆلیسی سلێمانی ئاماژەی پێدا كە دوای ئەوەی دەمەقاڵی لە نێوان كەسێك و سكیوریتی ئەو كافتریایە درووست بوو, كە ئەنجامەكەی ڕووداوی تەقەكردنی لێ كەوتەوەو لەلایەن ئەو كەسەوە كە پاسەوانی شاباز زەمانییە ئامادەبوویەكی ئەو شەوە ئاهەنگە بریندار بوو .
لەبارەی ڕووداوی تەقەكردنەوە شاباز زەمانی لە بەشی ستۆری لە تۆڕی كۆمەڵایەتی ئەنستگرام ڕوونكردنەوەیەكی بڵاوكردەوەو گوتی كە هەموو ئەو هەواڵانە دوورن لە ڕاستی و ڕووداوەكە تەنها لە نێوان دوو كۆمپانیای سكیوریتی بووە, هەروەها لە بەشێكی دیكەی ڕوونكردنەوەكەی گوتی كە سكاڵای یاسایی لە دژی هەموو ئەو پەیج و خاوەن پەیجانە تۆمار دەكات كە ڕووداوەكەیان بە نادرووستی بڵاوكردەوە .
ئاسۆ كاكەیی