لە ئاهەنگێكی هاوسەرگیریدا لە هیندستان 13 ژن دەکەونە ناو بیرێکەوە و گیانیان لە دەستدا

لە ئاهەنگێكی هاوسەرگیریدا لە هیندستان 13 ژن دەکەونە ناو بیرێکەوە و گیانیان لە دەستدا

 

دەسەڵاتدارانی هیندستان دەڵێن: شەوی چوارشەممە 16ی شوبات 13 ژن و کچ لە کاتی سەماکردن و گۆرانی وتن لە ئاهەنگی هاوسەرگیریدا کەوتنە ناو بیرێکەوە و دەست بە جێ گیانیان لە دەستدا.

بەپێی ڕاپۆرتەکان ئەو بیرە قوڵایەكەی زیاتر لە 15 مەتربوو،  كە بە چیمەنتۆ سەری داپۆشرابوو، بەڵام ئەو كۆنكریتە بەرگەی قورسیی خەڵکەکەی نەگرت و بەو شێوەیە تێکشکا و داڕما.. 

بەرپرسێکی خۆجێیش ڕایگەیاند: 10 گوندنشینی دیکەش برینداربوون بەهۆی کەوتنە ناو بیرەکەوە، کە بە پەلە گەیەندراونەتە نەخۆشخانەیەک لە ناوچەی کوشیناگاریی سەر بە ویلایەتی ئۆتار پرادش.

نارندرا مودی سەرۆک وەزیرانی هیندستان  لە تویتێکدا هاوخەمیی خۆی دەربڕی و ڕووداوەکەی بە "دڵتەزێن" وەسف كرد و هیوای زوو چاکبوونەوەی بۆ بریندارەکان خواست.

دەسەڵاتداران لێکۆڵینەوە لە ڕووداوەکەی ئەو گوندە دەکەن کە نزیکەی 300 کیلۆمەتر لە ڕۆژهەڵاتی بەختنۆی پایتەختی ویلایەتی ئۆتار پرادیشەوە دوورە.

 

 

 

گوڵان: سەردار خەلیل

 

Top