دوابەدوای بڵاوبوونەوەی دەنگۆی ڕووداوی تەقەكردنێك لە ئاهەنگێكی شاباز زەمانی, هەروەها بە گوێرەی ئەوەی كە لە سۆشیاڵ میدیا بڵاوبۆتەوە گوایە كەسێك لەو ئاهەنگەدا بە فیشەكێك بریندار بووە .

بە گوێرەی ئەوەی كە بڵاوبۆوتەوە لە كافتریایەكی شاری سلێمانی لە ئەنجامی دەمەقاڵییەكی نێوان پاسەوانەكانی (شاباز زەمانی) و سكیوریتی ئەو كافتریایە, ڕووداوێكی تەقە ڕوودەدات و لە ئەنجامدا یەك لە ئامادەبووانی ئەو شەوە ئاهەنگە بریندار دەبێت .

بەم هۆیەوە گۆرانیبێژ (شاباز زەمانی) لە بەشی ستۆری لە تۆڕی كۆمەڵایەتی ئەنستگرام ڕوونكردنەوەیەكی بڵاوكردەوەو گوتی كە هەموو ئەو هەواڵانە دوورن لە ڕاستی و ڕووداوەكە تەنها لە نێوان دوو كۆمپانیای سكیوریتی بووە, هەروەها لە بەشێكی دیكەی ڕوونكردنەوەكەی گوتی كە سكاڵای یاسایی لە دژی هەموو ئەو پەیج و خاوەن پەیجانە تۆمار دەكات كە ڕووداوەكەیان بە ناڕاستی بڵاوكردەوە .

ئاسۆ كاكەیی