خانمە ئەكتەری میسری(مەها ئەبو عوف) كۆچی دواییكرد
![خانمە ئەكتەری میسری(مەها ئەبو عوف) كۆچی دواییكرد](https://gulanmedia.com/public/images/posts/20220106100258_original_7.jpg )
خانمە ئەكتەر و هونەرمەندی دیاری شاشەی میسری (مەها ئەبو عوف) لە تەمەنی 65 ساڵیدا كۆچی دوایی كرد .
مەها ئەبو عوف كە دەكاتە خوشكی ئەستێرەی كۆچكردوو (عزەت ئەبو عوف), بەم دواییە تووشی نەخۆشی شێرپەنجە بوو كە بەهۆیەوە باری تەندرووستی ناجێگیر بوو و بۆ ماوەیەك لە نەخۆشخانە مایەوە, بەپێی ئەو ڕاپۆرتانەی لە میدیا عەرەبییەكان بڵاوكراوەتەوە, ئەم خانمە بە سەختی تووشی ئیلتهابی سییەكان هات و تا ئەو كاتەی كە كۆچی دوایی كرد لە نەخۆشخانە لە بەشی چاودێری چڕ مایەوە .
مەها ئەبو عوف لە كۆتایی ساڵانی حەفتاكان لەگەڵ براكەی و هەرسێ خوشكەكانی بەناوەكانی (مونا- مەنال- میرفەت) گروپێكی موزیكیان بەناوی(فۆر ئێم) دامەزراند و ژمارەیەك گۆرانییان بڵاوكردەوە, ئەگەر چی خوشكەكانی لە كاری هونەری دوور كەوتنەوە بەڵام (مەها ئەبو عوف) لە كاری تەلەفزیۆنی و نواندن بەردەوام بوو, هەروەها بەشداری لە ژمارەیەك فیلم و زنجیرە دراما كرد, دوایین كاری بریتی بوو لە زنجیرە دراماییەك بەناوی(الحرير المخملي) كە ساڵی ڕابردوو نمایش كرا .
ئاسۆ كاكەیی
![خانمە ئەكتەری میسری(مەها ئەبو عوف) كۆچی دواییكرد](https://gulanmedia.com/public/images/posts/20220106100153_big_770x552_39.jpg )
![خانمە ئەكتەری میسری(مەها ئەبو عوف) كۆچی دواییكرد](https://gulanmedia.com/public/images/posts/20220106100233_big_770x552_16.jpg )