(9) بەنداوی تازە لە هەرێمی كوردستان دروست دەكرێن
وەزارەتی كشتوكاڵ و سەرچاوەكانی ئاو ڕایگەیاند كە لەگەڵ وەزارەتی پلاندانانی حكومەتی هەرێمی كوردستان بڕیاریان داوە (9) بەنداوی تازە لە هەرێم دروست بكەن.
لەم ڕووەوە بێگەرد تاڵەبانی وەزیری كشتوكاڵ و سەرچاوەكانی ئاو لە لێدوانێكی ڕۆژنامەنووسیدا ئاماژەی بەوە كرد كە دروستكردن و تەواوكردنی ئەم بەنداوانە هاوشانە لەگەڵ پرۆسەی هەڵسەنگاندنی داخوازییەكانی كۆمپانیا وەبەرهێنەرەكان بۆ وەبرەهێنان و دروستكردنی بەنداوو پرۆژەكانی ئاودێری، بە تایبەتی بۆ هەر (9) بەنداوە ستراتیجییەمان لە هەرێمی كوردستان بە پێی سیستەمی ppp) )كە بۆ یەكەم جارە وەزارەت سەرپەرشتیی دەكات.
شایانی باسە وەزراەتی كشتوكاڵ و سەرچاوەكانی ئاو داوای (126)ملیار دیناری كردبوو بۆ تەواو كردنی بەنداوەكان و لە قۆناغی یەكەمیشدا بڕی(16) ملیاری دابین كردووە.
