دادگەیەكی توركیا بڕیاری 14 ساڵ گرتن بۆ ئەیسل توغلوك دەردەكا
كەناڵەكە گوتی لەدادگەدانی ئەندامی سەربەخۆی پەرلەمانی توركیا لەسەر پارێزگەی وان ئەیسل توغلوك كە دادگە داوای سزای 82 ساڵ و 5 مانگ گرتنی بۆ كردبوو بەكۆتا هات.
هەروەها گوتی، دادگەی تاوانی 4 لە پارێزگەی دیاربەكر كە بە فایلەكەدا چووەتەوە، بڕیاری گرتنی توغلوكی بە 14 ساڵ و 7 مانگ دەركرد، ئەویش بە تۆمەتی پێوەندیی بە پارتی كرێكارانی كوردستان \"پەكەكە\"" و پاڵپشتیكردنی.
توغلوك پێشتر بۆ ماوەی چەند ساڵێك خاتوونە پارێزەری عەبدوڵا ئۆجەلان سەرۆكی گرتیی پەكەكە بوو، لە 2005ەوە هاتە ناو كاری سیاسی و لە 2007دا وەك ئەندامی پەرلەمان هاتە هەڵبژاردن. پاشان بووەتە جێگری كۆنگرەی كۆمەڵگەی دیموكراتیی توركیا كە دوو ساڵ بەر لە ئێستە هاتە دامەزراندن و ئەحمەد تورك كرایە سەرۆكی.
پاشان توغلوك وەك ئەندامێكی سەربەخۆ لەسەر بارستەی دیموكراتی و ئاشتیی سەر بە حزبی ئاشتی و دیموكراتی بووە ئەندامی پەرلەمان."