گوته‌بێژی مه‌کته‌بی سیاسیی یه‌کێتی: لێدوانه‌کانی ئه‌لمحه‌ممه‌داوی زه‌وینه‌سازیی هێرش بۆسه‌ر باره‌گاکانی حزبه کوردستانییه‌کانه
جوندیانی، گوتی: ئه‌و لایه‌نه‌ی به‌ر له هه‌موو لایه‌نه‌کانی دیکه، پێویسته له‌م کرده‌وانه به به‌ڵگه بێڵایه‌ن‌بوونی خۆی بۆ خه‌ڵکی کوردستان و یه‌کێتی و لایه‌نه سیاسییه‌کانی عێراق بسه‌لمێنێت، ئه‌لمحه‌ممه‌داوی خۆیه‌تی.
گوته‌ببێژی مه‌کته‌بی سیاسیی یه‌کێتی، له به‌شێکی لێدوانه‌که‌یدا، هه‌ره‌شه‌کانی ئه‌ڵمحه‌ممه‌داوی به سه‌ره‌تای سیاسه‌تێکی ترسناک له عێراقی ئێستادا ده‌زانێت و ده‌ڵێت: ئه‌م سیاسته نه‌ک ته‌نیا یه‌کێتیی نیشتمانی و حزب و ریكخراوه‌کانی دیکه‌ی کوردستان ده‌خاته به‌رده‌م به‌ر به‌رپرسارێتییه‌وه، به‌ڵکو دامه‌زراوه‌کانی ده‌وڵه‌تی عێراق و هه‌موو حزب و لایه‌نه سیاسی و فڕاکسیۆنه ده‌خاته به‌رده‌می به‌رپرسارێتییەوە.
\""ئه‌بوعه‌بدوڵلا محه‌ممه‌داوی\""، گوته‌بێژی فەرمیی فه‌وجی نۆی سوپای به‌ده‌ر، هه‌فته‌ی رابردوو، هه‌ڕه‌شه له کوردانی دانیشتووی به‌غدا و ناوچه عه‌ره‌بنیشنه‌کان کردبوو و گوتبووی پێویسته کورده‌کان ئه‌م ناوچانه به‌ره‌و هه‌رێمی کوردستان جێ بهێڵن."
