کوشندەترین لافاو لە ئیسپانیا کە زۆرترین زیانی گیانی لە سێ دەیەی ڕابردوودا هەبووە
ڕۆژی چوارشەممە 30ی ئەم مانگە، دەسەڵاتدارانی ئیسپانیا ڕایانگەیاند، كە بەهۆی لافاوێکی سەختی ئەم وڵاتە لانیکەم 95 کەس گیانیان لەدەستداوە و دەیان کەسیش بێسەروشوێنن.
ناوچەی ڤالێنسیا کە بە باخەکانی لیمۆ بەناوبانگە، ئێستا زۆرێک لە ڕێگاوبان و شارۆچکەکانی ژێر ئاو کەوتووە. تەنها لە ڕۆژی سێشەممە لە شارۆچکەکانی تۆرێس و یوتیل ٢٠٠ ملم باران باریوە.
وەزیری سیاسەتی هەرێمی ئیسپانیا ڕایگەیاند، 92 کەس لە ڤالێنسیا و دوو کەس لە کاستیل لا مانچا و کەسێک لە ئاندلس گیانیان لەدەستداوە.
بە وتەی ئەم بەرپرسە حکومییە، ئۆپەراسیۆنی گەڕان بۆ دۆزینەوەی ونبووەکان بەردەوامە.
بەگوێرەی ڕاپۆرتی کەشناسی ئیسپانیا، لافاوەکە دوای ئەو بارانە بێ وێنەیە ڕوویداوە، کە لە هەندێک شوێن لە ماوەی چەند کاتژمێرێکدا زیاتر لە سی سانتیمەتر باران باریوە.
گوڵان: سەردار خەلیل
