ئیسرائیل UNRWA قەدەغە دەکات
ڕۆژی دووشەممە 28ی تشرینی یەکەمی 2024 ، پەرلەمانی ئیسرائیل پڕۆژە یاسایەکی پەسەند کرد و بەپێی ئەو پڕۆژە یاسایە دەزگای فریاگوزاری و دامەزراندن بۆ پەنابەرانی فەلەستینی، UNRWA، چالاکی لە ئیسرائیل قەدەغە کرا.
بەپێی زانیارییەکان، پەرلەمانتارانی پەرلەمانی ئیسرائیل بە 92 دەنگی بەڵێ و 10 دەنگی نەخێر ئەم پڕۆژە یاسایەیان پەسەند کرد.
پێشتر ئەمریکا ڕایگەیاندبوو "بە قووڵی نیگەرانە" لە پڕۆژەیاسایەك لە پەرلەمانی ئیسرائیل بۆ قەدەغەکردنی UNRWA.
پێویستە ئاماژە بەوە بکرێت کە ئەم دەزگایە ڕۆڵێکی "گرنگ" دەگێڕێت لە دابەشکردنی یارمەتییە مرۆییەکان لە کەرتی غەززە.
گوڵان: سەردار خەلیل
