دواى كۆتایی هاتنى سه‌ردانه‌ فه‌رمییه‌كه‌ى بۆ ویلایه‌ته‌ یه‌كگرتووه‌كانى ئه‌مه‌ریكا، دوێنێ به‌ڕێز مه‌سعوود بارزانى سه‌رۆكى هه‌رێمى كوردستان به‌ سه‌ردانێكى فه‌رمى گه‌یشته‌ بوداپستى پایته‌ختى هه‌نگاریا .

به‌ گه‌ییشتنى له‌ لایه‌ن جێگرى وه‌زیرى ده‌ره‌وه‌ى هه‌نگاریا (هۆڤارى یانۆش) و باڵیۆزى عێراق له‌ هه‌نگاریا ( قاسم عه‌سكه‌ر حه‌سه‌ن) پێشوازیى گه‌رمى لێكرا . بڕیاره‌ له‌ سبه‌ینێوه‌ كۆبوونه‌وه‌ و دیداره‌كانى سه‌رۆكى هه‌رێمى كوردستان له‌گه‌ڵ سه‌رۆك و گه‌وره‌ به‌رپرسانى دیكه‌ و داموده‌زگاكانى هه‌نگاریا ده‌ستپێبكات .