له‌وباره‌یه‌وه‌ ئیبراهیم محه‌مه‌د ساڵح جێگری لێپرسراوی كۆمیته‌ی رێكخستنی بابل-ی یه‌كێتیی نیشتمانیی كوردستان رایگه‌یاند: پاشنیوه‌ڕۆی ئه‌مڕۆ چه‌ند تیرۆریستێك له‌ئۆتۆمبێلێكی جۆری ئۆپڵ- ڤیكتراوه‌ بۆمبێكی ده‌ستی-یان فڕێدایه‌ ناو باخچه‌ی باره‌گاكه‌وه‌، به‌وهۆیه‌شه‌وه‌ جگه‌ له‌ زیانی ماددی خۆشبه‌ختانه‌ هیچ زیانێكی گیانی لێنه‌كه‌وتووه‌ته‌وه‌.

وتیشی: هێزه‌ ئه‌منیه‌كان گه‌یشتنه‌ شوێنی ته‌قینه‌وه‌كه‌و لێكۆڵینه‌وه‌یان له‌وباره‌یه‌وه‌ ده‌ستپێكردووه‌و پێشیان راگه‌یاندوین كه‌ پارێزگاری له‌ خۆتان و ماڵه‌كانتان ده‌كه‌ین، هێزه‌ ئه‌منییه‌كان هه‌ڵسوكه‌وتیان زۆرباش بووه‌ له‌گه‌ڵماندا، جێگری لێپرسراوی كۆمیته‌ی بابل ئه‌و چه‌كدارانه‌ی كه‌ ناوی خۆیان ناوه‌ رۆڵه‌كانی عیراقی تۆمه‌تباركرد به‌و هێرشه‌ به‌هۆیئه‌وه‌ی كه‌ له‌ پێشوتردا عه‌باس محه‌مداوی هه‌ڕه‌شه‌ی له‌ هاووڵاتیانی كوردی دانیشتووی ده‌ره‌وه‌ی هه‌رێمی كوردستان كردبوو.