شه‌وی رابردوو فڕۆكه‌ جه‌نگییه‌كانی توركیا بۆ ماوه‌ی زیاتر له‌ یه‌ك سه‌عات بۆردومانی سنوری گونده‌كانی بناری قه‌ندیلیان كردو له‌ قه‌زای پشده‌ر، هه‌رچه‌نده‌ هیچ زیانێكی گیانی نه‌بووه‌، به‌ڵام ترس و دڵه‌ڕاوكێی زۆری بۆ گوندنشینه‌كانی ناوچه‌كه‌ دروستكردووه‌.

سه‌رچاوه‌یه‌كه‌ك له‌ بناری قه‌ندیل به‌ PUKmedia راگه‌یاند: سه‌عات 4 به‌ره‌به‌یانی ئه‌مڕۆ 1-4 ژماره‌یه‌ك فڕۆكه‌ی جه‌نگی توركیا بۆردومانی سنوری چه‌ند گوندێكی بناری قه‌ندیل یان كردووه‌ هیچ زیانی گیانی نه‌بووه‌و زیانه‌ ماددییه‌كانیشی نه‌زانراوه‌.

ئه‌و سه‌رچاوه‌یه‌ وتیشی: ئه‌و بۆردومانه‌ی شه‌وی رابردوو ترس و دڵه‌ڕاوكێیه‌كی زۆری بۆ دانیشتووانی ئه‌و گوندانه‌ دروستكردووه‌و ترسی ئه‌وه‌یان هه‌یه‌ جارێكی تر ئاواره‌ بنه‌وه‌.