کۆریای باکوور مووشەکێکی بالیستیکی تاکتیکی بە تەکنەلۆژیای نوێ تاقیکردەوە
کۆریای باکوور مووشەکێکی بالیستیکی تاکتیکی تاقیکردەوە کە سیستەمێکی نوێی ئۆتۆنۆمی گەشتیاری تێدایە.
بەگوێرەی ئاژانسی هەواڵی فەرمی کۆریای باکوور (KCNA)، ئەو وڵاتە مووشەکێکی بالیستیکی تاکتیکی تاقیکردۆتەوە کە سیستەمێکی نوێی ئۆتۆنۆمی گەشتیاریی تێدایە.
بەپێی ئەم ڕاپۆرتە، کیم جۆنگ ئون، سەرۆکی ئەم وڵاتە، سەرکردایەتی ئەم تاقیکردنەوەی کردووە، کە بەرەو دەریای ڕۆژهەڵات ئەنجامدراوە.
بەپێی ئەم ڕاپۆرتە، هەڵدانی تاقیکردنەوەکە بە ئامانجی بەرزکردنەوەی ئاستی گەشەسەندنی خێرای تەکنەلۆژیای سیستەمی چەک ئەنجامدراوە.
هەروەها، سەرۆکی کۆریای باکوور، کیم جۆنگ ئون، خۆشحاڵی خۆی دەربڕیوە بە بەهای ستراتیژیی سەربازی گەشەسەندنی سەربەخۆی ئەم وڵاتە و پەسەندکردنی سەرکەوتووانەی ئەم سیستەمە.
گوڵان: سەردار خەلیل
