به‌رپرسی فه‌رمانگه‌ی راگه‌یاندنی سه‌رۆكایه‌تی هه‌رێمی كوردستان له‌سه‌ر هاككردنی ماڵپه‌ری سه‌رۆكایه‌تی بۆ گوڵان ده‌دوێ
سمكۆ ئه‌نوه‌ر به‌رپرسی فه‌رمانگه‌ی راگه‌یاندنی سه‌رۆكایه‌تی هه‌رێمی كوردستان ئه‌مرِۆ رایگه‌یاند، بۆ یه‌كه‌مجاره سایتی ره‌سمی سه‌رۆكایه‌تی هه‌رێمی كوردستان له لایه‌ن نه‌ناسراوانه‌وه هاك كرا.
ناوبراو به سایتی (گوڵان میدیا)ی راگه‌یاند \"كه‌مێك به‌ر له ئێستا سایتی سه‌رۆكایه‌تی هه‌رێمی كوردستان هاك كراوه، تا ئێستا هیچ زانیارییه‌ك له باره‌ی هاك كردنه‌مان لا نییه و له ئێسته‌دا به‌دواداچوونی بۆ ده‌كه‌ین\"".
روونیشیكرده‌وه \""ئه‌مه بۆ یه‌كه‌جاره سایتی سه‌رۆكایه‌تی هه‌رێم هاك ده‌كرێ، له ئێسته‌شدا سه‌رقاڵی ئه‌وه‌ین سایته‌كه وه‌ك خۆی لێ بێته‌وه، ته‌نیای رووپه‌ری سه‌ره‌كی سایتی سه‌رۆكایه‌تی هه‌رێم هاك كراوه، كاتێك سایته‌كه ده‌كه‌یته‌وه ئاڵای توركیا دێته سه‌ری، به‌ڵام ناوه‌رِۆك و لاپه‌ره‌كانی تری هاك نه‌كراوه، به‌ڵكو وه‌ك خۆیه‌تی\""."
