له‌ئه‌نجامی بۆردومانی فڕۆكه‌ جه‌نگیه‌كانی توركیا بۆ سه‌ر هه‌ردوو گوندی (رۆبۆسكی و بیجه‌) ی سه‌ر به‌ ناوچه‌ی قابلانی سه‌ر به‌ پارێزگای هه‌كاری 48 هاووڵاتی مه‌ده‌نی كوژراون.
له‌وباره‌یه‌وه‌ شایه‌تحاڵێك له‌ ناوچه‌ی حه‌فتانینه‌وه‌ تایبه‌ت به‌ PUKmedia ی راگه‌یاند: ئه‌وانه‌ی له‌و هێرشانه‌دا كوژراون له‌كاتی گه‌ڕانه‌وه‌یاندا بوون له‌هه‌رێمی كوردستانه‌وه‌ بۆ ناوچه‌كه‌ی خۆیان و كاری قاچاخچێتییان كردووه‌ به‌مادده‌ خۆراكیه‌كانه‌وه‌.
به‌پێی هه‌مان سه‌رچاوه‌ ئه‌و هاووڵاتیانه‌ له‌ناوچه‌ی حه‌فتانینی نێوان هه‌رێم و توركیا كه‌وتوونه‌ته‌ بۆسه‌یه‌كی سوپای توركیاوه‌و دواتریش له‌رێگه‌ی فڕۆكه‌ی جه‌نگییه‌وه‌ بۆردومان كراون.
هاوكات ئه‌و سه‌رچاوه‌یه‌ ته‌ئكیدی كرده‌وه‌ كه‌ له‌و هێرشه‌دا48 كه‌س كوژراون و دواتریش توانراوه‌ ته‌رمی 36 كه‌س له‌و كوژراوانه‌ ببینرێنه‌وه‌ و وتیشی دوو كه‌سی تر له‌و هێرشه‌دا برینداربوون و ره‌وانه‌ی نه‌خۆشخانه‌كانی شه‌رناخ كراون.