ئێواره‌ی دوێنێ یەکشەممە سەرۆکایەتی هەرێمی کورستان بەیاننامەیەکی بڵاوکردەوە کە تێیدا بە توندی زنجیرە تەقینەوەکانی شاری کەربەلا ئیدانە دەکات، ئەمەی خوارەوە دەقی بەیاننامەکەیە:

\"بە داخەوە ئەمڕۆ یەکشەممە 25/9/2011 زنجیرە تەقینەوەیەک لە ناو شاری کەربەلا روویاندا و لە ئەنجامی ئەو پەلامارە تیرۆرستییە دڕندانەیە بە دەیان هاوڵاتی بێگوناهی ئەو شارە بوونە قوربانی\"".

\""سەرۆکایەتی هەرێمی کوردستان وێڕای بە توندی ئیدانە و مەحکوومکردنی ئەم هێرشە تیرۆرستییە، هاوکات پرسە و سەرەخۆشی ئاراستەی کەسوکاری قوربانیانی ئەم کردەوە نامرۆڤانەیە دەکات و لە یەزدانی گەورە داواکارە شەهیدان بە بەهەشتی بەرینی خۆی شاد بکات و هیوای چاکبوونەوەی بە پەلەش بۆ برینداران دەخوازێ\"".

\""ئەم زنجیرە تەقینەوەی ئەمڕۆ و ئەنجامدانی چەندین هێرش و پەلاماری دیکەی لەم شێوەیە کە لەم دواییەدا روویاندا نیشانەی ئەوەیە کە تیرۆرستان جموجۆڵی خۆیان بەرفراوان کردووە، بۆیە لەسەر تەواوی هێز و لایەنەکانی وڵات پێویستە یەکهەڵوێست بن بۆ بەرەنگاربوونەوەی مەترسی تیرۆر و لەباربردنی پیلانی تیرۆرستان\"".

وتەبێژێک بە ناوی سەرۆکایەتی هەرێمی کوردستان
25/9/2011"