دوێنێ یه‌كشه‌ممه‌ 25-9-2011 ، به‌رێز مسعود بارزانی سه‌رۆكی هه‌رێمی كوردستان له‌ سه‌لاحه‌دین پێشوازی كرد له‌ د.ئه‌یاد عه‌لاوی سه‌رۆكی لیستی ئه‌لعێراقیه‌و شاندێكی یاوه‌ری، كه‌ پێكهاتبوو له‌ به‌رێزان فه‌لاح ئه‌لنه‌قیب و عدنان ئه‌لجه‌نابی ئه‌ندامانی ئه‌نجوومه‌نی نوێنه‌ران له‌ لیستی ئه‌لعێراقییه‌.

له‌ دیدارێكدا باری وڵات له‌ هه‌موو ئاسته‌كانه‌وه‌ تاوتوێكرا و پابه‌ندبوون به‌ ده‌ستوور و جێبه‌جێكردنی رێككه‌تنه‌كانی نێوان لایه‌نه‌ سیاسیه‌كانی عێراق دووپات كرایه‌وه‌ .

دۆزینه‌وه‌ی رێگه‌ چاره‌یه‌كی واقیعی بۆ هه‌موو كێشه‌و گیروگرفته‌كانی نێو پرۆسه‌ی سیاسی و به‌ره‌و پێشبردنی ئه‌و پرۆسه‌یه‌ گفتوگۆی له‌ باره‌یه‌وه‌ كرا.