سەرۆكی هه‌رێمی كوردستان پێشوازی لە سەرۆكی لیستی ئەلعیراقیە و شاندێكی یاوەری دەكات
لە دیدارێكدا ، هەر دوولا سەبارەت بە هەلومەرجی سیاسی و ئەمنی ئەمرۆی عیراق و چۆنیەتی چارەسەركردنی گرفتەكانی بەردەم بەرەوپێشچوونی پرۆسەی سیاسی بیروڕایان ئاڵوگۆڕكرد و هەر دوولا تەئكیدیان كردەوە كە پێویستە لە چوارچێوەی پاراستنی بەرژەوەندییە باڵاكانی خەڵكی عیراقدا سەرجەم كێشەوگرفتەكان یەكلا بكرێنەوە.
هەر لەو دیدارەدا تەئكید لەسەر گرنگی جێبەجێكردنی رێككەوتننامەی هەولێر و دۆزینەوەی میكانیزمی گونجاو بۆ پڕكردنەوەی پۆستە ئەمنییەكان بەشێوەیەك كە ببێتە هۆكاری بەرقەراربوونی هێمنی و ئارامی كرایەوە هەروەها گرنگی هەستكردن بە بەرپرسیارێتیكردن لە حكومەتی هاوبەشی نیشتمانی و بڕیار و ئەركەكانی كاركردن لە حكومەتدا لە سەر رۆشنایی پرەنسیپەكانی دەستووریش گفتوگۆیان لەبارەوە كرا.
