سەرۆكی ههرێمی كوردستان پێشوازی لە سەرۆكی ئەنجومەنی شورای حزبی ئیسلامیی عیراقی دەكات
لە دیدارێكدا، باس لە بارودۆخی گشتی گۆڕەپانی عیراق و پێویستی قوولكردنەوەی گیانی برایەتی لە نێوان پێكهاتە جیاجیاكانی عیراق كرا ، هەروەها باس لە یەكریزی هێزە سیاسیەكان كرا لەم قۆناغە مێژووییەی عیراقی نوێدا لە پێناو پاراستنی دەستكەوتەكانی گەلی عیراق.
د.موحسین عەبدولحەمید هەڵوێستی سەرۆك بارزانی بەرز نرخاند لە پشتگیریكردنی رێڕەوەی نیشتمانی و كاركردن لەسەر تەواوكردنی پرۆسەی پێكهاتەی حكومەتی فیدراڵ ، بە تایبەتی پۆستە ئەمنییەكان و هیوای خواست كە پەیوەندییەكانیان لەگەڵ گۆڕەپانی كوردستانیدا بەرەو پێش ببرێت ، چونكە گۆڕەپانی عیراق پێویستی بە ئەركێكی هاوبەش هەیە بۆ هێوركردنەوەی كەشوهەوای سیاسی و بزواندنی رەوشی ئێستا بەرەو هەر چی زیاتر پەیوەندیی ئیجابی بەرهەمدار لە نێوان پێكهاتە سەرەكییە سیاسییەكاندا.
سەرۆك بارزانی ، وێرای خۆشحاڵی دەربڕین بەو سەردانەی سەرۆكی ئەنجومەنی شورای حزبی ئیسلامیی عیراق ، رایگەیاند كە پەیوەندییەكان سەرەڕای بەردەوام بوونیان پێویستە زیاتر پەرەی پێبدرێ.
هەروەها سەرۆك بارزانی ئاماژەی بە گرنگی راوێژكردن لەگەڵ یەكتردا كردەوە بۆ ئەوەی بەشێوەیەكی برایانە و هەست كردن بە بەرپرسیارێتی چارەسەری كێشەكان بكەن.