بلا سالەکێ ل گەل خو بین
سالار دۆسکی
ھەتا نوکە رحەت و تەنا ژیان دەرباز نەکرینە، کیش چیا و جە نەمایە خوینا گەنجەکی تێدا نەھاتیە رێتن، چ چەک مایە ل گەل مللەتێ کورد نەھاتیە بکارئینان؟ ئاوارەبوون، تەعریب، کێمیابارانکرن و ئەنفالکرن و ھەتا دگەھیتە شەرێ داعش و ھەتا برینا قویتێ خەلکی چەندین سالە کو ئەڤە کێمتر نینە ژ کێمیا بارانکرن، ئەڤجا ب چ شێواز دەستی بۆ ڤێ عەقلیەتا ھندەک سالە درێژکەم، مە گۆت بتنێ سەدام دوژمنێ مەیە و بچیت دێ بیتە شاما شەریف چەند سالە سەدام چووی، یێن پشتی سەدام ھاتین چ بێژن؟ چ نەمایە نەکرین، مانە ھەر ئەو بوون ئەوێن کونگرێن ئوپزسیونا عیراقێ سوز و پەیمان داینە کوردان کو عیراقەکا فیدرالی و چ نەکر، مانە ھەر ئەو بوون چەندین سالە ب ئازادی و تەنا ل کوردستانێ دژیان، باشە ما پێڤە ناچین ما نە بەس سوز و پەیمان ل گەل بەغدا، ژبلی کوردان چ پێکھاتێن دی خوەشی ل گەل بەغدا دیتی یە، مەسیحی و ئەرمەنی و شەبەک و ئێزدی و ھەتا دووماھیێ .
بۆچی ھەتا نوکە ھندەک ئالی نەگەھشتینە وێ باوەریێ کو ریفراندووم و سەربەخویی تاکە رێکە ڤێ قوناغێ و پێدڤی یە ئەڤ گرێ یە بھێتەڤەکرن، بۆ مێژوویێ زیکا ژبیرکەین، بوو
نەخوشیا زیکا ژبیر دکەین، ئەگەر ئەم ل گەل ریفراندومێ نەبین،
ئەم ل گەل چ بین؟ ئەگەر بەغدا بیت ما ئەم پێڤە ناچین؟ ئەگەر تورکی و سوریا و ئیران بن، ما پێڤەناچین چ ب سەرێ کوردان تین، ئانکو تاکە رێک ھەر ئێکگرتنا مە بخوە یە و پشتەڤانێن ڤێ دوزێ بین، دیسا جەنابێ سەرۆکی کو کارەکێ جدی ل سەر ڤێ پرۆسێسێ دکەت و یێ رژدە ل سەر ئەنجامدانا ریفراندوومێ و دیسا حوکمەتا ھەرێما کوردستانێ ژی گەھشتیە وێ باوەریێ کو تاکە رێک پشتەڤانیا ریفراندوومێ یە و ئێدی بەغدا نە مالە بەلکو بتنێ دێ بیتە جیرانەک و چ دی نە.
