سه‌رۆكایه‌تیێ د ناڤ لۆژیكا شازده‌یان دا
شێرزاد نایف
ده‌ستێن پاك و نه‌زیهـ چه‌ندی ب وه‌لاتێ مه رابگه‌هن، ئێدی فۆبیایا شازده‌یێ ئوكتۆبه‌رێ و یێن مینا وێ دێ ل سه‌ر سه‌رێ هه‌ڤوه‌لاتیێن مه ب سه‌لامه‌ت بن، ئه‌ڤ حنێره كه‌نگی په‌یدابوو؟! پشتی پرۆسا ریفراندۆمێ خه‌ونا هه‌ر تاكه‌كێ كورد ل سه‌رانسه‌ری جێهانێ بوویه، كو ئه‌و دیارده‌یا گه‌رۆدنی بهێته دی و كورد ببن خوه‌دی كیانه‌كێ سه‌ربه‌خوه، مه دیت گه‌له‌ك ره‌نگڤه‌دانێن ب هێز ل مه ده‌ركه‌فتن، یا ژ هه‌میان دژوارتر و ب زیانتر ل سه‌ر ملله‌تێ مه، ئه‌وبوو ئه‌و نیشانێن بێخه‌میێ و بێزاریا مه‌زن ل سه‌ر رووی و دێم و سه‌روچاڤێن هه‌ڤوه‌لاتیێن كوردستانی یادیاربوو، خه‌لك هه‌می تووشی بێزاریه‌كا مه‌زن بوو، ئێدی كه‌سێ باوه‌ر نه‌دكر، دێ ب سلامه‌ت ژێ قورتال بین، شیرێ هه‌میان ل سه‌ر سه‌رێ مه تیژبوو، چونكو ده‌مێ قوربانی دكه‌ڤیته ئه‌ردی ساتۆر ل هنداڤ سه‌ری مشه دبن، یا ژ هه‌میێ نه‌خۆشتر، كه‌یفا دوژمنان یا ب مه هاتی و ئه‌و پیلانێن وان ب رێیا خوه‌دیێن خیانه‌تا 16 ئوكتۆبه‌رێ، سڤكاتی ب مه و خه‌ونا مه دهاته كرن، مه‌هزر كر كو ئێدی كه‌س دانپێدانێ ب مه ناكه‌ت و ئه‌وا مه هه‌یی ژی ژده‌ست چوو، د روودانا شازده‌ی ئكتۆبه‌رێ 168 هزار كه‌س ل ده‌ڤه‌رێ كه‌ركووكێ و دۆزخورماتو ئاواره‌ی هه‌ولێر و سلێمانیێ بوون.. گه‌له‌ك بێزاربووین و ئه‌م هه‌می چاڤه‌رێ سوواره‌كێ خه‌ونێن خوه بووین كو مه ژ ڤێ به‌رته‌نگیێ بپارێزیت، به‌لێ قورتالكارێ مه گه‌هشت ب هیمه‌تا خه‌مخۆر و دوعایێن دایبابابن و ئیرداه‌یا پوولایی یا كه‌سێ نێچیرڤان بارزانی كو ئه‌ڤرۆ سه‌رۆكێ هه‌رێمێ یه و تیما پارتی دیمۆكراتی كوردستان د حوكمه‌تێ دا و سه‌رۆك وه‌زیر د هژماره‌كا كابینه‌یان دانه و هه‌ر وه‌سا راسپارده‌یێن مه‌رجه‌عێ كوردان مسعود بارزانی بۆ پێشمه‌رگێ كوردستانێ كو پێشمه‌رگه‌ی ژی شه‌رێ مانونه‌مانێ ل گه‌ل هه‌می دوژمنێن خوه كر حه‌تا دره‌به‌كێ كۆژه‌ك داوه‌شاندیه دوژمنان و ژ لایێ هه‌ری مه‌زنتر ژی ڤه، نێچیرڤان بارزانی شیا وه‌كو چیایه‌كێ موكم زانین و سه‌ربۆرا خوه و په‌یوه‌ندیێن خوه یێن ژیر بكاربینیت ب هه‌می شیان و ئیرادا خوه، سه‌ركه‌فتنێ بینیت و موعجیزه‌یه‌كا سیاسی تۆمار بكه‌ت، جاره‌كا دی گرنژین و سه‌ودایا هه‌ڤولاتیان بۆ ڤه‌گه‌رانده ڤه و ملله‌تێ ژ بێزاریێ راكه‌ته‌ڤه سه‌ر پیێن وی ڤه و بحه‌شتا خوه یا هه‌رێمێ جاره‌كا دی ل ناڤ ده‌ڤه‌ره‌كا دۆزه‌خ ئاڤا بكه‌ته‌ڤه و هه‌می وه‌لاتێن مه‌زن ده‌رگه‌هێن خوه ل جه‌نابێ وی ڤه‌كرنه ڤه پشتی كو حزبا وی بوویه یا ئێكێ ل سه‌رانسه‌ری عیراقێ و عافیه‌ت ژ به‌ری باشتر زڤراندی.
ئه‌ڤرۆ سه‌رۆكێ هه‌رێمێ یه و ب پرانیا ده‌نگان گه‌هشته وی پۆستێ ئه‌و پۆست پێدڤی ب جه‌نابێ وی هه‌یی! ل 25 ئیلۆنا 2017 نێچیرڤان بارزانی سه‌رۆك وه‌زیرێ وی ده‌می یێ هه‌رێما كوردستانێ پشكداری ریفراندۆما سه‌رخوه‌بوونا كوردستانێ دا كری، پشتی ده‌نگێ خوه دای، راگه‌هاند، ئه‌ڤرۆ رۆژه‌كا دیرۆكێ یه بۆ گه‌لێ كوردستانێ و مه‌دڤێت ب ئاشتیانه بگه‌هینه ئارمانجێن خوه.
دیسا ژی بۆ هه‌می دوژمنان دیابوو كو ئه‌و یێن شه‌ری ل گه ئاسنی و ئاگری دكه‌ن ژێده‌رێ وی ئیراده‌یا راستیا دۆزا وی یه، ژ خوین و هه‌ستیان حزبه‌ك هاتیه ئاڤاكرن، ره‌هوریشالێن وێ دكویر و دویرن، ئه‌ڤ رۆله شازده‌یی ئوگتۆبه‌رێ پتر پیشچاڤ بوو، دیاربوو كو دابرینه‌ك د لۆژیكا شازده‌یان دا كه‌فته هۆلێ!!..
مسته‌فا بارزانیێ نه‌مر هه‌ر دامه‌زراندنا پارتی دیمۆكراتی كوردستان به‌ری 73 سالان، به‌رێ بنیاتێ ڤێ دستهه‌لاتا خۆراگر دانا و ده‌ستكه‌فتێن مه هه‌ین ئه‌ڤرۆ ژ وێ ره‌نج و خه‌باتێ یه و هه‌ر وه‌كو مینا مه‌سیح (س. خ) دبێژیت ئێك ژ ئه‌ركێن سه‌ركرده‌یان ئه‌وه كو هنده‌ك سه‌ركرده‌یێن دیتر ل پاش خوه‌ڤه بهێلیت، ئه‌ڤرۆ ژی پشتی كو سه‌رۆك نیچیرڤان بارزانی ئێك ژ وان سه‌ركرده‌یانه و ئه‌وی ژی ب رۆلێ خوه ئه‌ڤرۆ ئه‌ڤ پۆستێ هه‌ستیار وه‌رگرتی، ب ده‌هان و ب سه‌دان سه‌ركرده هاتیه به‌رهه‌مدان ژ ره‌نج و خه‌مخۆریا وی بۆ وه‌لاتێ وی. رۆلێ وی وی پشتی وێ بۆیه‌را ره‌ش یا 16 ئوكتۆبه‌رێ مینا وه‌رچه‌رخانه‌كا دیرۆكی بوو د وژدانا هه‌رتاكه‌كێ كورد دا. هه‌تا ئه‌ڤرۆ ئه‌م گه‌هشتینه ساخكرنا 16 یا ته‌باخێ دوور ژ لۆژیكێ شازده‌یان، ره‌هوریشالێن سه‌رۆكاتیێ ئه‌ڤرۆ ژ وێ خه‌باتا 73 سالی یه، له‌ورا كوردستان ب ساناهی ناكه‌ڤیته ده‌ست دوژمنان كو ژیێ هنده‌كا كێمتره ژ یێ ڤی حزبا دێرین. ئێك ژ بریارێن وێره‌ك و به‌رهێنه‌ر ل 28/9/2017 حوكمه‌تا هه‌رێما كوردستانێ د كۆمبوونه‌كێ دا هه‌موو بریارێن په‌رله‌مانێ ئیراقێ بۆ سزادانا گه‌لێ كوردستانێ ره‌تكرن
و نه‌هێلا ئه‌و پیلانێن خه‌وارزمی بگه‌هنه ئارمانجێ و هاتنه بۆهژاندن ب جۆره‌كێ سیاسه‌ته‌كا زانا و نه‌رم و ل 25 ئوكتۆبه‌را سالا 2017 حوكمه‌تا هه‌رێمێ سێ بریار ده‌رخستن، ئێك راوه‌ستاندنا ب ئێكجاری هه‌موو ته‌قه‌كرن و ئۆپه‌راسیۆنێن سه‌ربازی ل هه‌رێما كوردستانێ. دو. سركرنا ئه‌نجامێن رێفراندۆمێ ئه‌وا ل كوردستانا ئیراقێ هاتینه‌كرن. كو ئه‌وان هزر دكرن دێ هێته ره‌تكرن دا كو دربه‌كی ب ڤێ بهانێ دانن، به‌لێ ته‌نگێن وان سست بوون و زڤرینه بنگه‌هێن خوه ده‌ست ژ پیان درێژتر. سێ. ده‌ستپێكرنا دیالۆگێن ڤه‌كری د ناڤبه‌را حوكمه‌تا هه‌رێمێ و یا فیدرال دا ل سه‌ر بنه‌مایێ دستوورێ ئیراقێ. ل مه‌ها 11/2017 و ب دروستی ل رۆژا 21، نێچیرڤان بارزانی و شانده‌كێ حوكمه‌تێ ل گه‌ل پتریا ئالیێن سیاسیێن كوردستانێ كۆمبوون. ئه‌ڤه ژی ده‌ستكه‌فته‌ك بوو بێهنا ئێكرێزیێ و دیمۆكراسیێ پتر ژێ دهات، به‌رسڤه‌كا نه‌راسته‌وخوه بوو ل هه‌مبه‌ری وان ئالیێن ئه‌ڤه چه‌نده بۆ مه نه دڤیا، هه‌ر وه‌سا ژی ژ ل هه‌مان مه‌هێ ل رۆژا 27 نێچیرڤان بارزانی داخوازكر هه‌موو رێكارێن به‌غدایێ ل دژی كوردستانێ و خه‌لكێ وێ ژ لایێ به‌غدایێ ڤه بهێنه هه‌لوه‌شاندن و ئه‌نجام ده‌ملده
