پشتی پیلانا دروستکرنا داعش و خیانەتا ١٦ ئوکتوبەر کو بو ژنافبرنا ھەرێما کوردستانێ و کوشتنا دوزا کوردی ھاتبونە دانان و لسەر دەستێ پێشمەرگەیی ھاتینە ژناڤبرن. ئەڤە ماوەکە پەکەکە وەک کارتەکا دی یادەستن دوژمنا دەست ب تێکدانێ و گەفا و دروستکرنا چەتا و ھێزن چەکداری لباشورێ کوردستانێ کریە .و بەلافکرنا چەند ڤیدیویەکێن مونتاژ کری کو تێدا چالاکیێن خو نیشاندەن دژی سوپایێ تورکیا و لدویف گوتنن وان کو ئەف ناوچە دەڤەرا بارزان و زاخو و چەند جھێن دینە . و ئەو کردەوا تیرورستی کو ل ١٧-٧-٢٠١٩ ھاتیە ئەنجامدان بو تیکدانا نافخویا ھەرێمێ و دروستکرنا قەیرانا بەلی ھەر زوی ئەنجامدەرێت وێ ھاتنە دەستەسەرکرن کو خویایە چەکەکێ ئەنجامدایە . لێ گەلەکا فەرە خەلک ھشیاری پیلانن پەکەکێ بیت و راستی و دروسیا دامەزراندنا و مەرەم ژ ھەبونا وێ بزانیت .
پەکەکە ھەر ژ دەستپێکا دروست بونا وێ و خو راگەھاندن وەک پارتەکا سیاسی یاچەپ ل (٢٧-١١-١٩٧٨) و گێردانا یەکەم کونگرە ل دیمەشقا پایتەختێ سوریێ لسالا ١٩٨١ و بلندکرنا دروشمێ دەولەتا کوردی یامازن و دژایتکرنا وێ بو ھەر پارتەکا دی یاسیاسی یاکوردی کو دگەل ڤی دروشمێ پەکەکێ نەبیت خویابو کو ھندەک ئەجیندێت موخابەراتی ئەف پارتە دروستکریە تایبەت سوریێ و ئیرانێ و تورکیا و ھەر زوی ئێکەتیێ پشتەڤانیا خو بو وی دروشمی دیارکر !! بەلێ یائاشکرا بو کو مەرەم ژڤێ دروشمی ئەوبو کو بھانەیا بدەنە وەلاتێن دەڤەرێ کو ھێزێ دژی بزاڤا رێزگاریخوازا کوردی بکاربینن و ھیچ رێکەکێ ئان دەلیڤەکێ نەھێلێن بو دانوستاندنا !! و وەک گەف لسەر بەرژەوەندیێت وان و وەلاتێن زلھێز دا نیشاندان!! و وەک گروپێن چەکدار و تێکدەر لقەلمدان. لێ جھێ حێبەتیبونێ یە کو نوکە پەکەکە بفەرمی دبێژیت کو دەولەتا کوردی د فەرھەنگا وان یا سیاسیدا نینە و نە ژ ئەخلاقێ وانە و دژی پارچە بونا ڤان وەلاتانە .
لسەرھلدانا بھارا سالا ١٩٩١ لکوردستانا عیراقێ ئەڤێ پارتا بناڤ کوردی چ ھەلویست و پشتەڤانی بو سەرھلدانی دیارنەکرن بەروڤاژی پشتی دەربەدەربونا کوردان و کوچبونا وان بو وەلاتێ تورکیا و ئیرانێ پەکەکێ دەست بتالانکرنا گوندێت کوردان کر و چەکێ خەلکی ژ وەرگرت و کری داکو دووبارە ئەڤە نەبنە گەف لسەر ئێمناھیا ڤان وەلاتا و پروپاکندێت درەو و بێ بنەما بەلاڤکرن و بھەمی رەنگا سەرکردێن سەرھلدانێ نەشرین کرن دچاڤێ خەلکیدا !!
پشتی ھەلبژارتنن سالا ١٩٩٢ لھەرێما کوردستانێ پەکەکە و ئەجیندێت دەرەکی گڤاشتنن مازن لسەر ئێکەتیێ دروستکرن کو بئەنجامێن وێ رازینەبن و کێشا دروستکەن بەلێ پارتی شیا ئێکەتیێ رازیکەت و فێفتی فێفتی پەرلەمانی و حکومەتێ برێڤە ببەن لێ ھەر پەکەکە و لپشت وێ ئەجیندێت موخابەراتی !! نە راوستیا و بھێجەتا داھاتێن حکومەتێ ئێکەتی پالدەا شەرەکی و ئێکەم چریسکا شەری ل قەلعەدز ھەلکر!! و ھندەک ژێدەر دبێژن کو ھەر پەکەکە بو بارەگایێن پارتی سوتین و کادرێ وێ شەھیدکرین!! و ھوسا پارتی و ئێکەتی بشەرەکی ڤەکرن کو نەدبو بکەن !! و خەلکی پشتی وان نەھامەتیا خرا توشی کارەساتێن مازنتر بکەن .
شەر خوسارەتیە و مال خرابکرنە بو ھەمی لایێن شەرکەر !! و ئەو شەرێ دنافبەرا پارتی و ئێکەتیێدا دروست بوی تانوکە ئاسەوارێت وی یت ماین و کوردستانێ باجەکا مازن یاوی شەری دا بەلێ مخابن لشوینا پەکەکێ رولێ نیوانگێریێ دیتبا و ھەولدابا شەر راوستیت !! جەبھەیەکێ دی یێ شەری ڤەکر دژی پارتی و تایبەت لسنورێت دەڤەرا بەھدینا و سەرەرایی وان ئابلوقێن ئابوری و ین سیاسی یت مازن لسەر ھەرێمێ پەکەکێ ئەو گوندێت پشتی ئەنفالا ماین ژی خرابکرن و خەلک ژ کوندان دەرکەت و بارێ خەلکی ژ ھەمی لاڤە ئێکجار خراب بو !! دوژمنن دوزا کوردی ھوسا ھزردکر کو بڤی رەنگی د شیێن پارتی و مالا بارزان ژ نافبەن و ژ ھەر بزاڤەکا سیاسی دویرکەن و دوزا کوردی ئێدی نامینیت !! لێ شکەستن و پارتی بھێز تر لێھات .
ئەڤە ئەگەر ئەم بزانین کو پەکەکە لسوریا ھەڤپەیمانە دگەل ریژێمێ و دژی ھەر پارت و بزاڤەکا کوردیە ل روژئاڤایێ کوردستانێ و ئەگەرێ سەرەکی بو کور ێژێما سوریێ نە روخیێت . و پیلانا وان لکوبانێ سەرنەگرت کو وی باژێری رادەستی داعش بکەن و بەھانەیا بدەنە تورکیا کو بو پارستنا سنورێت خو بێت و کوبانێ داگیربکەت لێ بھەول بەردەوامێن بارزانی ئەو باژێر ھاتە پاراستن و پاقژکرن ژ تیرورستا . لەورا دووبارە ئەو پیلان ل عەفرینێ گێرا و مخابن تورکیا ئەو شارێ کوردستانێ نوکە داگیرکریە و ھەمی بزاڤا یا دکەت کو مونبج داگیربکەت و ھەبونا کوردان لسوریێ بەرەف لاوازیەکا تمام ببەت بو زانین کوردستانا سوریێ ٨٢٢ کیلومەتر سنور دگەل تورکیا ھەنە لێ ھێشتا پەکەکێ یەک فیشەک دژی تورکیا لوی سنوری نە پەقاندیە و یەک بیسە ژی بو لەشکەرێ وان و ملیشاتن سەر ب تورکیاڤە نە داناینە لعەفرینێ کو ئەڤە ماوەکێ درێژە یاداگیرکری.
ل ئیرانێ داردەستا دەستھەلاتێ یە و پارێزەرا سنورێت ئیرانێ لدەڤەرێن کوردی و دیسا دژی وان پارتێن کوردیە ین دژی کومارا ئیرانێ. و چەندین جارا رێگێری ل چونا پێشمەرگێ روژھەلات کریە بچنە ناف ئیرانێدا و مفای ژ کاودانن زور خراب یت ئیرانێ ببینن بەلکو دژ راوستیا و شەرکر و چەند پێشمەرگە ژی شەھید کرن . بھەمی رەنگا ھەڤپەیمانە دگەل بەغدا دژی ھەرێما کوردستانێ . و خو ل ئەرمینا ھەڤپەیمانە دگەل ھەر دوو پارتێن (ھاشناق – تاشناق) ین دەستھەلاتدار کو تومەتبارێن ب ئەنجامدانا کومەلکوژیا دژی کوردان و رێگرێن بەرامبەر ھەر بزاڤەکا کوردی لوی وەلاتی .لتورکیا پەکەکە نە دژی تورکانە بەلکو دژی وان پارتانە ین کو باوەری ب چارەساریا کێشا کوردی ھەیی . و مخابن پەکەکێ و ھندەک حزبێن سیاسی لھەرێما کوردستانێ ئەو ھەولێن دوبلوماسی ین لباکورێ کوردستانێ ھەین توشی گرفتێن مازن کرن و بھانە دانە حکومەتا تورکیا کو پروسا سیاسی و بیڤاژویا ئا