سەرۆک، د ھەردەمەکی دا کو سۆزەک دایە، ب جھـ ئینایە. ھەردەما د گوتارێن خوە دا ھیڤیەک ژ بۆ خەلکێ کوردستانێ دروست کریە؛ ئەو ھێڤی ب تنێ د گوتارا خەوە دا بجھـ نەھێلایە، بەلکو د واقع دا کار بۆ کریە و کریە کردار. دەما دگۆت دێ موچەی دروست کەینەڤە، ب کردار دروست کرەڤە. دەما نێچیرڤان بارزانی د پۆستێ سەرۆکێ حکومەتا ھەرێما کوردستانێ دابوو دگۆت پرۆژەیێن خزمەتگۆزاری دێ دەست پێکەنەڤە و ئیدی دەلیڤەیێن کاری دێ پتر بن؛ د واقعێ ھەرێما کوردستانێ مە دیت پرۆژەیێن خزمەتگۆزاری دەست پێکرن و ب ھزاران دەلیڤەیێن کاری چێبوون و خەلک ژێ مفادار بوو. سەرۆک د قۆناغێن دەستھەلاتداریا خوە دا کەسەکێ ڤەشارتی نەبوویە، زوو زوو د مەدیایێ دیار دبوو، لەورا دەما سەرۆکی دگۆت؛ دوو دلی پێ نەڤێت دۆرپێچا ل سەر ھەرێما کوردستانێ دێ راکەین و بھێزتر ژ جاران دێ دەرکەڤینەڤە مەیدانێ؛ رانەوەستا و ل فەرەنسا وەلاتێن رۆژئاڤا ھاتە دیتن و بزاڤا شکاندنا دۆرپێچێ کرن؛ ھەتاکو کوردستان بۆ رەوشا جاران ڤەگەراندی و بھێزتر ژی. کەواتە ھەردەما نێچیرڤان بارزانی سۆزەکێ ددەت؛ پشتی وێ یەکێ دێ بجھـ ئینیت. دەما کو وی د پۆستێ سەرۆکێ حکومەتا ھەرێما کوردستانێ ب داخویانێن خوە ھیڤی ژ بۆ خەلکێ کوردستانێ چێدکرن؛ ب کردار نیشان ددا کو گوترێن وی ب تنێ بۆ لڤینا بارزاری و دلخوەشکرنا خەلکی نینە؛ بەلکو پرن ژ پرۆژەیان و ئەو کار ل سەر دکەن. نھا ژی کو نیچیرڤان بارزانی سەرۆکێ ھەرێما کوردستانێ یە د ڤەکرنا پێشانگەھا نێڤدەولەتیا رووانگە فۆرەس دا جاردن رستەیەکا دن وەکو یا سەردەمێ قەیرانا دارایی دووبارە کرەڤە دەما گۆتی: (پشتراست بن دێ رەوشا دارایی باشتر لێ ھێت). کەواتە ھیچ ئاماژەیەکا خراببوونێ نینە و کوردستان د قۆناغا خوە رێکخستنێ دا یە، (پشت راستبن)، واتە بێ ترس و دوو دلی ژیان و ژیارا خەلکێ کوردستانێ ددەستەکێ ئەمین و حکومەتەکا خزمەتکار دایە کو ژ بۆ خزمەتکرنا خەلکێ کوردستانێ دەست بکاربوویە. ئیدی سەرۆکێ ھەرێما کوردستانێ، کو قەھرەمانێ دەربازکرنا قەیران و راکرنا دۆرپێچان بوو، ب پۆستێ خوە یێ نوو وەکو سەرۆکێ ھەرێما کوردستانێ، دەست ب قۆناغەکا ل گەل ھەر دوو سەرۆکاتیێن دی یێ ھەرێمێ کریە کو ژ ھەموو ئالییەکی ڤە دڤێت کوردستان بخوە دا بچیت و ھەموو وان شاشی و لاوازیێن کو ھەنە و کاریگەری ل ھەرێمێ دکەن، گھۆرین و چاکسازی تێدا بھێنە کرن، ئەڤە ژی تشتەکێ ب زەحمەت نینە، چونکی ھەر دەما سەرۆکی سۆزەک دا، کەواتە سۆزا خوە کرە کردار