دبیت خه‌له‌ك به‌ره‌ڤاژی هزر بكه‌ت كو به‌غدا ناڤه‌نده و دورپێچ دانایه سه‌ر هه‌رێمێ و ئه‌وا ب سه‌رێ مه هاتی هه‌می ژ به‌غدایه، به‌لێ هزركرنا دروست ب ئه‌و نه‌بیت یا دوژمنێن ملله‌تێ كورد دسه‌رێ تاكێ كورد دا ئینابیت، چونكو دوژمنێ مه‌زنه و نه ئێك و دونه، ب هه‌موو رێیان هاتنه مه كو مه كوردان و ب تایبه‌ت ئه‌زمۆنا هه‌رێما كوردستانێ و حوكمه‌تا وێ ژناڤببه‌ن، هه‌می ژی ژ به‌ر مه‌ترسیا سه‌ركه‌فتنا ئه‌نجامێ ریفراندۆمێ ژ بۆ سه‌ربخوه‌یا كوردستانێ!! كه‌ربا هه‌می وه‌لاتێن هه‌ڤدوژ بوو ئێك ئاراسته د به‌غدا را ره‌نگڤه‌دانێن خوه ئاراسته‌ی هه‌رێمێ كرن، به‌لێ به‌رسڤدانا هه‌رێمێ هه‌كه مسعود بارزانی و نێچیرڤان بارزانی نه‌بان، دا گه‌له‌ك شیرێ وان تیژتر بیت ژ یێ نها ل سه‌ر حه‌فكا كوردێ بێگونه‌ه، هه‌لبه‌ت په‌نابرن بۆ ریفراندۆمێ ژی نه ژبه‌ر بێ ئه‌گه‌ر هاتبوو، به‌لێ دره‌وێن به‌غدا ل هه‌رێمێ كرین، گه‌هشته وی راده‌ی كو به‌ری بحه‌لینیت!!. هه‌كه هه‌ولێر پیگه‌هێ به‌غدا دانابوو هه‌ر ل ده‌سپێكا رۆخیانا رژێما به‌عسیان ل عیراقێ، و قه‌نجیا هه‌ره مه‌زن یا هه‌رێمێ بوو كوعیراق راگرت هه‌ر بله‌ز پێشمه‌گێ خوه ره‌وانه‌ی ده‌ڤه‌رێن بێخودان كربوو و سازیێن وێ یێن فه‌رمی پاراستن و پاسه‌وانیا گه‌لێ عیراقێ كر وه‌كو ئه‌زمۆنا له‌شكرێ مسری ل ده‌مێ شۆره‌شا بوهارا عه‌ره‌بی ل مسرێ كا چاوا سازیا له‌شكرێ مسری نه‌هێلا مسر وێران بیت، به‌لێ ئه‌ڤ وه‌كهه‌ڤكرنه یا رێژه‌ی یه چونكو قه‌بارا پێشمه‌رگه‌ی نه ته‌مه‌ت یا مسرێ بوو، هه‌روه‌سا ژی نه‌ته‌وه‌بوون یا جودابوو و پێشمه‌رگه یێ جودابوو ژ عیراقێ، به‌لێ سامانه‌ك بوو شیا گه‌له‌كێ ڤه‌گریت، هه‌ر ب له‌ز حوكمه‌ته‌كا نوو بۆ و دستووره‌كی نوو بۆ عیراقێ راستڤه‌كر، هه‌لبه‌ت هنگی تاكه هێزا رێكوپێك یا كوردان بوو ل عیراقێ و دشیا ده‌ستێ خوه دابنیته سه‌ر ده‌ستهه‌لاتێ چونكو هینگی ئاژاوبوو ، به‌لێ سیاسه‌تا راست یا كوردی یا دووری په‌یداكرنا ئاریشه‌یان بوو و دوور بوو ژ گیانێ تۆلڤه‌كرن و كه‌یسا مرۆڤاتی چونكو ئه‌وی تێرا خوه مه‌زلۆمیه‌ت دیتیه!. پشتی هینگی ژی گه‌له‌ك جاران هه‌ولێر سه‌رانێن به‌غدا پێكئیناینه و بوو وان ببوو مه‌رجه‌عێ سیاسی، نها ژی پشكا دویێ ژ هه‌مان سیناریۆیێ یا دوباره دبیت، بۆ به‌غدا دیاربوو كو هه‌بوونا هه‌رێما كوردی و تایبه‌ت ژی كه‌سێ سه‌رۆك نێچیرڤان بارزانی سه‌نگا عیراقێ دێ گه‌ره‌نتی بیت، چونكو ئه‌وا ب سه‌ر هه‌رێمێ دا هاتی، میناكه‌ك و تاقیكرنه‌كا مه‌زن بوو ل سه‌ر ئه‌كتیڤیا رۆلێ حوكمه‌تی و رۆلێ كه‌سێ نێچیرڤان بارزانی بۆ سڤككرنا ئاریشه‌یان و دوورخستنا شه‌ر و شه‌ماته و سیاسه‌تێن گه‌رموگۆر بۆ تێكدانا عیراقێ وه‌كو فلته‌ره‌كی یه بۆ سڤككرنا ئاریشه‌یێن سیاسی و تایبه‌ت ژی دناڤبه‌را ئیرانێ و ئه‌مریكا دا بوویه به‌لانسه‌ك و بۆ وان دیاربوو كو كورد نه‌یێ یێن خرابیێ نه، دێ مفای ژ سه‌ربۆرا كوردان وه‌رگرن، ژبلی سامان و خێراتێن لێ هه‌یین. له‌ورا ژی ئه‌ڤ سه‌ره‌دانا دووماهیێ یا نێچیرڤان بارزانی جهێ بایه‌خێ به‌غدا بوو، هه‌كه نه ئه‌و به‌ڕكێ سۆر یێ درێژ بۆ سه‌رۆك نێچیرڤان بارزانی نه دهاته دانان نه سه‌رێ دیار و نه‌بن.. ئه‌و زانین و بها هند یێ گرنگه بۆ به‌غدا، له‌ورا ژی هه‌ولێر بۆ به‌غدا گرنگتره ژ وه‌كو دی. . و پاشه‌رۆژ هێشتا دێ ڤێ په‌یاما مه په‌سه‌ند كه‌ت و دێ بیرا وه ئینم!!.
شێرزاد نایف
