جڤاکەک کو ھاتبیتە خەساندن ب ئیراھابا فکری و ئایدیۆلۆژیا، د وێ جڤاکا نەزۆک دا، چ بوویەر گوھارتنان چێ ناکەن لسەر ئاستا بەرھەمئانیا شارستانی، کو شارستانی سیستەمەکێ جڤاکییە بەرھەمێن چاندی دێ زێدە بیت، د چار رەگەزاندا: ئابووری، سیاسی، نەریتێن ئافراندناندا، شوونکەفتنا چاند و زانستێ، وی دەمی دێ دوماھی ب ھەلچوون و عینادا مرۆڤان ئینیت و ترس نامینیت و ئاسایش دێ بجێ بیت.
د ھەیاما دەرباسبووییدا ب تایبەت شەش ساڵێن چوویی، گەڵەک دەزگەە و ناڤەندێن ناڤخۆیی و دەرڤە ب رێیا راگەھاندن و پێکانینا خوەنیشاندان و گرەڤگرتنان، ھەولدان کو باوەڕییا وەڵاتیان ب حکومەت و دەسەڵاتا برێڤەبرنێ نەمینن و ھەولێن رژد دان کو ب ئازراندنا گازندان و ب بکارئینانا بەلگەیێن سەختە، خالێن لاواز یێن حکومەتا ھەرێما کوردستانێ ژ قەبارا خۆ مەزنتر بکەن، لێ رێزدار نێچیرڤان بارزانی ب دیپلۆماسییەت و شیاریا خوە شیا وان ھەولا ھەلوەشینە و سیستەمی سیاسی و ئەمنی و ئابووری یێ ھەرێما کوردستانێ خستە سەر رێیا راست و دروست و، بەربروویێ پیلانێن ناڤخۆ و دەرڤە ھات و سەرکەفت.
گەڵەک جار پرسیار تێ کرن کو سەرکەفتنێن نێچیرڤان بارزانی د ھەیاما سەرۆک وەزیریێ دا بۆ چی ڤەدگەرن؟ نھێنی یا سەرکەفتنێن بارزانی ژبۆ دیرۆکا وی ژ باوەڕبوون ب ئیرادەیا خۆ و باوەری بوونا وەڵاتییان ب جەنابێ وییە، ژ سازش نەکرنێ لسەر سیمبۆلێن خۆ و ھەروەھا جیھان بینی و ڤیانا وی ژبۆ وەڵات و رێبازا باب و باپیران، سەدەمەکێ سەرەکی یێ سەرکەفتنان بوویە.
نسکۆ و پاشاگەردانی یان پارتێن ئایدیۆلۆژی یان ژی ستالینییان د گۆڕەپانا رزگاریا نیشتیمانی و نەتەوەییدا، گومان تێدا نینە کو بۆ ھەڕفینا مەنزومەیا سوسیالیستی و ھەلوەشاندنا یەکێتی یا سۆڤیەت، ب کریارێن کەلتورێ ستەمکاری یێن ستالینی و گەندەلی و و ستەما ھەیمەنەتا تاک حزبی و پیرۆزکرنا کەسێتی یان ژ نەبوونا دەموکراسییەتێ، بکارئانینا رۆشنبیران بۆ خزمەت و خیانەتێ، ھەولێن نەزۆک و راگەھاندنا درەو و خاپاندنا خۆ و چەواشەکرنا وەڵاتییان ب دەزگەھێن سیبەرێن خۆ، نەوێران خۆ ل رەوتا بونیاتنانێ بدەن.

ھەمان شێوازێ پارتێن ئایدیۆلۆژی یان ژی ستالینی، ل ھندەک دەڤەرێن کوردستانێ ژی ھاتنە تاقیکرن، لێ کار و بەرنامەیێ کابینەیا بەرێ یا حکومەتا ھەرێما کوردستانێ ب سەرۆکاتیا نێچیرڤان بارزانی، چ دەرفەت بۆ نەیاران نەھێلان داکو مەرەمێن خۆ بجی بکەن، لەوا د ھەیاما چار ساڵێَن بێن یێن سەرۆکایەتیا ھەرێما کوردستانێدا، ناھێ چاڤەڕێ کرن کو ھەرێما کوردستانێ راستی چ ئاستەنگیێن رووخێنەر بێت و، ھەموو ئەگەر بۆ وێ یەکێنە کو دێ ھەرێمەکا بھێز چاڤەڕێ دەڤەرا رۆژھەڵاتا ناڤین کەت.
سەرۆکێ ھەرێما کوردستانێ ئەو ھێزا ب باندۆرە کو رەە و ریشەیێن وی ژ دار بەڕوویێن کوردستانێ و دەنگ و باندۆرا وی ل ھەمی جیھانێ ھەیە و ھەڤال و دوژمن ناچارن حسابێ بۆ بکەن، نێچیرڤان بارزانی تنێ نەبوویە رەمزا سەرکەفتنێن پارتا دیموکراتا کوردستانێ، لێ بوویە ئەندازیارێ تێکشکاندنا کەلتورێ کەرب و عیناد و ئیراھابا فکری و لێکنێزککرنا ھەمی پێکھاتەیان و بوویە مولکێ ھەمی کوردەکی و بنگەھا ھێزا وی ژی ژ ھناڤێن گەل و ئاخا کوردستانێ دایە.
دڤێ وێ یەکێ بدەینە ناسکرن کو نێچیرڤان بارزانی بوویە سەدەما نەھێلانا کەلتور و نەریتێن کەڤن و ھزرێن ژەنگی و ھەروەھا ئیرھابا فکری، ئەگەر نە ئەستەم بوو گەلی کوردستانێ ژ گەفێن تەرۆریستێن داعش و عەرەبێن شۆفێنی و دوژمنێن سەدان ساڵی یێن کوردستانێ رزگار ببن، ئۆ دیرۆکا خۆ تۆمار کر کو ئەندازیارێ پێکڤەژیانا گەلا و ڤەژاندنا سەقایێ لسەر روویێ گەنج و پیر و زارۆیا و ھەروەھا گارانتیکرنا پێگەھشتنا نفشەکێ تژی زانست و زانیاری و ولاتپارێزیێ.