پەیامێک بۆ بەڕێز مەسرو بارزانی، سەرۆکی راسپێردراوی کابینەی نۆیەمی حکومەتی هەرێمی کوردستان

وەک ئاشکرایە لە سەروبەندی هەر گۆڕانکاریەک هاوڵاتیان بە ئومێدەوە چاوەڕوانی گۆڕانکاری نوێ و پڕۆژە و خزماتگوزاری و هەڵکار....هتد دەکەن. لێرەدا دەمەوێت ئاماژە بەوەبکەم کە کاک مەسرور ئێستا لە دووریانی تێستکردنی هەژموونێکی نوێ دایە و یەکەم جاریەتی پۆستێکی هاوشێوە وەربگرێت بۆیە هەم پێوستی بە ئیبداعی سیاسی و خەدەمی وتەنانەت کۆمەلایەتی هەیە بە مەبەستی سەلماندن و نێشاندنی هێز و بازووی خۆی بۆ بەدەستهێنانی متمانەی هاوڵاتیان.
لێرەدا ئەگەر بە کورتیشبێت من پەیامێکی بچوکم بۆ کاک مەسرور هەیە بەدڵنیایەوە ئەمەش پەیامی شەقامی کوردیە بۆ بەرێزی:
خەڵک زۆر بەهیوایە لە جەنابت دەروانێت بەمەبەستی جێبەجێکردنی ئەم کارانەی خوارەوە:
یەکەم: هەوڵدان بۆ بنەبرکردنی گەندەڵی: بەهۆی ئەوەی بەڕێزت پێشتریش لە پۆستێکدابوویت و سەرکەوتنی زۆر باشت بەدەستهێناوە و تیاییدا تەواو سەرکەوتوو بوویت بۆیە هاوڵاتیانی هەرێم بە ئومێدەوە لە بەڕێزت دەڕوانن بە مەبەستی بنەبرکردنی کەیسی گەندەڵی و لێپرسینەوەکردن لەگەڵ بەرپرسان.
دووەم: ئەگەر بتەوێت دڵنیابیتەوە لە بەدەستهێنانی متمانەی هاوڵاتیان پێویستە کاربکەیت لەسەر رەخساندنی هەڵی کار لەڕێگەی دامەزراندن و کەرتی تایبەت کردنەوەی کارگەی نوێ و بەگەرخستنی کارگە ستۆککراوەکان و پڕۆژەی نوێ چونکە هەرکارگەیەک دەبێتەهۆی بەکارخستنی هەزاران کەس ئەمەش سوپرایزێکی مەزنە بۆ هاوڵاتیان.
سێهەم: راوێژکارەکانت با هەمەجۆربن و سەرجەم سێکتەرەکان لەخۆبگرن بەڵام هەرگیز متمانە بەم راوێژکارانە نەکەیت کە بە بەردەوامی دەستت بۆ لە سینە دەدەن و پێت دەڵێن "ئەزبەنی هەموو شتێک باش دەڕوات بەڕێوە" بەڵکو بەپێچەوانەوە بەردەوام گرنگی بەم راوێژکارانە بدە کە بەزمانێکی رەخنەئامێزی بونیاتنەرانە لەگەڵت دەدوێن و پەنجە دەخەنە سەر کەم و کوڕیەکان و برینەکانی شەقام.
خەڵک زۆر چاوەڕوانی کەشتیەکەی بەرێزتانی کرد ئێستاش خەریکە دەگات بە کەناراوەکان هیوادارم بەگەیشتنی کەشتیەکەت خەڵک رەشبین و بێهیوا نەکەیت بەڵکو بەپێچەوانەوە ببیت بە هیوایی خەڵک و لە ئاست ئەم متمانەیەبیت کە ئێستا کەوادیرەکانی پارتەکەت و شەقامی کوردی چاوەڕوانی دەکەن چونکە هەموومان بەم ئومێدە چاوڕوانی تۆ دەکەین کە گەیشتنی کەشتیەکەی تۆ ببێت بە ریمۆنتادا بەسەر سەرجەم کایە ئیفلیجکراوەکان و دووبارە ئەکتڤکردنەوەیان بەشێوەیەکی تەندروست و شەفافانە. ئێستا خەڵک بە دوریانی بێئومێدی دا دەروات و لەمەش بەراستی سەبری ئەیوبیان هەبووە تاکە هیوا و تاکە دەروازەش کە ماوە تاقیبکەنەوە بەڕێزتی بۆیە تۆش لە ئاست ئەم ئومێدەی هاوڵاتیان بە و دڵنیاشم ئینشالا هەروادەبیت.
لە کۆتایدا، دەمەوێت دوا کۆمێنتم بۆ هاوڵاتیان بێت کە دڵنیابن لەوەی گەشتنی کەشتیەکەی بەرێز مەسرور بارزانی نزیکە و دەشبێت بە کودەتایەکی تەندروست بەسەر بنەبڕکردنی گەندەلی و ئەکتیڤکردنەوەی سێکتەرە ئیفلیجکراوەکان و دووبارە رواندنەوەی ئومێد لای هاوڵاتیان.