زانكۆیا واشنتون ئه‌ند جیفه‌رسۆن ئه‌وا ل سالا 1718 ل به‌نسلڤانیا هاتیه‌ دامه‌زراندن، ژ كه‌ڤنترین و گرنگترین زانكۆیێن ئه‌مریكی یه‌، بایه‌خی ب بیاڤێن خواندنێن بالا دده‌ت. خه‌لاتێ‌ دكتۆرایا شاناز بۆ چه‌ندین جاران دایه‌ كه‌ساتیێن به‌رنیاس و یێن هه‌ژی و ئه‌ڤ ئێكه‌ ژی بۆ چه‌ندین سه‌ده‌یان ڤه‌دگه‌رێت، به‌لێ‌ هه‌رده‌م ژ كه‌سێن ئه‌مریكی به‌خشیه‌، بۆ نموونه‌ 2007 دابوونه‌ ویلیه‌م باتله‌ری سه‌رۆكێ‌ لیژنا نیڤده‌ولی یا بسپۆرێن یاساناس، هه‌روه‌سا ژی ل سالا 2006 جێمس جۆزێف بالیۆزێ‌ پێشین یێ‌ ئه‌مریكا ل باشۆرێ‌ ئه‌فریقیا، و گه‌له‌كێن دیتر ژی، به‌لێ‌ بیرا مه‌ دهێت ل سالا 2008 بۆ جارا ئێكێ‌ بوو، دده‌نه‌ كه‌سه‌كی كو نه‌یێ‌ ئه‌مریكی بیت، كو ئه‌و ژی نێچیرڤان بارزانی یه‌ و دروستی ژی ل 17/5/2008، وه‌كو رێزلێنان بۆ رۆلێ‌ وی یێ‌ كاریگه‌ر د بیاڤێ‌ خزمه‌ت و پێشڤه‌چوونا دیمۆكراسیێ‌ دا و دابینكرنا خزمه‌تگوزاریان بۆ گه‌لێ‌ هه‌رێما كوردستانێ‌ و ئه‌و گوهۆرینا پێشچاڤ د پێشخستنا سه‌روسیمایێ‌ وێ‌ دا. ئه‌ڤجا سازیێن زانستی یێن وه‌كو زانكۆ و په‌یمانگه‌هێن ئه‌كادیمی یێن بسپۆر ئه‌م هه‌موو دزانین كو جهێ‌ باوه‌ریێنه‌ و ناده‌نه‌ كه‌سێ‌، هه‌كه‌ پشتبه‌ستیێ‌ ل سه‌ر به‌لگه‌نامه‌یێن هه‌ژی وحنێرێن مه‌زن و پێزانین دروست، هه‌كه‌ نه‌ ئه‌و دنه‌چار نینن بده‌نێ‌ كه‌سێ‌ دی، ئه‌و ژ هایداربوونا وان بوویه‌ ل سه‌ر وێ‌ ئێكێ‌ یا ل هه‌رێما كوردستانێ‌ هاتیه‌ كرن، كو پشكه‌كه‌ ژ عیراقا فیدرال ل وان سالێن به‌ری هینگی دا یێن كابینه‌یێن حوكمه‌تا نێچیرڤان بارزانی، دهاتن عیراقا كاڤل ددیت و ل هه‌مان ده‌می دهاتنه‌ هه‌رێم ژی ددیت، ئه‌ردو ئه‌سمان فه‌رق بوو. ئه‌ڤه‌ راستیه‌كه‌ مرۆڤ ئاشكه‌را بكه‌ت. نه‌ هه‌ما ژ به‌ر هندێ‌ كو سه‌رۆكه‌كێ‌ حه‌وكمه‌ته‌كێ‌ یه‌، چونكو گه‌له‌ك ژ سه‌ركردێن جیهانێ‌ باوه‌ر ناكه‌ن ئه‌ڤ به‌خشینه‌ بده‌ستڤه‌بهێت، كه‌س باوه‌ر ناكه‌ت زانكۆیه‌كا هۆ یا ب ناڤوده‌نگ رابیت، خوه‌ تووشی تشته‌كێ‌ بێ بنیات و نه‌ ل سه‌ر تشته‌كێ‌ ڤالا بكه‌ته‌ خودان، له‌ورا پیڤه‌رێن وان زۆر د هوور و دروست بوون، كو كه‌سه‌كێ‌ غه‌یری ئه‌مریكی خه‌لاتبكه‌ن و ئه‌و دزانن كێ‌ خه‌لات بكه‌ن و كه‌نگی و ژبه‌ر چ!!..
نێچیرڤان بارزانی ژی ل وان رێوره‌سمان ئه‌ڤ خه‌لات بژانده‌ ل سه‌ر گشتیا مله‌تێ‌ خوه‌ یێ‌ كورد ده‌مێ‌ گۆتی: جهێ‌ شانازیێ‌ یه‌ ل شوونا گه‌لێ‌ كورد من ئه‌ڤ باوه‌رنامه‌ وه‌رگرتیه‌. هینگی 1500 كه‌سێن به‌رهه‌ڤبووی ژ قوتابیان و مامۆستایێن ئه‌مریكی رابوون ژ پیان ڤه‌ وه‌كو رێزگرتن، بۆ خه‌لاتكرنا كورده‌كی .. پێشمه‌رگه‌كی، كو ئه‌و ژی سه‌رۆك وه‌زیرێن هه‌رێما كوردستانێ‌ بوو، نه‌مازه‌ به‌ری هینگی ژی سالا 2007 نێچیرڤان بارزانی وه‌كو سه‌ركرده‌یێن لاوێن جیهانێ‌ هاتبوو خه‌لاتكرن، واته‌ به‌ری هینگی ب ساله‌كێ‌. هینگی ژی ئه‌و و چار كه‌سێن دیتر ب ره‌خ ویڤه‌ هاتنه‌ خه‌لاتكرن، كو ئه‌وان ژی رۆله‌كێ‌ به‌رز هه‌بوو د بیاڤێن كارێ‌ خوه‌ دا. ڤێ‌ زانكۆیێ‌ باوه‌رناما شاناز ژێرا به‌خشیان، و ده‌مێ‌ ژێ‌ به‌خشیان ژی دیاركرن كو وان حه‌زه‌ كو ئه‌ڤ چه‌نده‌ ببیته‌ هانده‌ره‌ك بۆ گه‌له‌ك سه‌ركرده‌ و كه‌سانێن به‌رپرس هه‌رئێك د بیاڤێ‌ ئه‌ركێ‌ خوه‌ دا سه‌ركه‌فتێ‌ بینیت و به‌ر ب پێشڤه‌ بچیت. ئه‌ڤجا ئه‌وی وه‌كو هه‌لگرێ‌ ڤێ‌ باوه‌رنا باروه‌پێكری و ل ڤی ئاستێ‌ هنده‌ بالا، مه‌ نه‌دیته‌ كو رۆژه‌كێ‌ هه‌ر سالا 2008 هه‌تا نه اخوه‌ ب كێمترین تشت. پیتا (د.) ب ناڤێ‌ خوه‌ ڤه‌كه‌ت، یان پێ‌ بخوریت، یان هه‌ربه‌حس ژێ‌ بكه‌ت و سه‌ره‌رای مافێ‌ وی یه‌، به‌لێ‌ پسیار ئه‌وه‌ ئه‌رێ‌ بۆچی گه‌له‌ك ژ خه‌له‌كێ‌ به‌ره‌ڤاژی مه‌له‌ڤانیان دكه‌ن و بۆ به‌رژه‌وه‌ندیا بیانیان و دوژمنێن گه‌لێ‌ كورد كاردكه‌ن، خه‌ونێن نه‌خۆش ب سه‌ركرده‌كێ‌ ب ڤی ئاستی ڤه‌ دبینن، و نا بێژن یه‌لا خێر؟! یان دخوازن سیاسه‌تێ‌ ب هنده‌ك تشتێن دیتر ڤه‌ گرێبده‌ن و بكه‌نه‌ به‌هانه‌؟!