گه‌شت گۆزار و داهات
کارزان فەقێ
نها پتر ل هه‌ر ده‌مه‌كى حكومه‌تا هه‌رێما كوردستانێ فۆكسا وى ل سه‌ر وێ یه‌كێ یه كو ئه‌لته‌ر‌ناتیڤه‌ك ژ بۆ په‌ترۆڵێ ببینن، ب وێ واتایێ كو ئیدى حكومه‌تا هه‌رێما كوردستانێ، ب تنێ داهاتێ خوه ژ په‌ترۆلێ ب ده‌ست نه‌ئێخیت، به‌لكو په‌ترۆل ژ رێكێن بی و سی بن ژ بۆ ب ده‌ست خستنا داهاتى، بۆ ڤێ یه‌كێ ژى هه‌موو سیكێته‌رێن دى یێن هه‌رێما كوردستانێ لبارن كو حكومه‌ت كارى ل سه‌ر بكه‌ت و ببیته به‌دیلێ په‌ترۆڵێ، ژ وان ژى كه‌رتێ چاندنێ و گه‌شت و گۆزارى، كه‌واته ئه‌گه‌ر ب پرۆژه و پلان كار ل سه‌ر ڤێ یه‌كێ بهێته كرن، ئیدى هه‌رێما كوردستانێ دشێت وه‌كو گه‌له‌ك وه‌لاتێن جیهانێ كو هیچ یه‌ده‌گه‌كا په‌ترۆلێ نینه، داهاته‌كێ باشتر ژ په‌ترۆلێ دابین بكه‌ت، بۆ نموونه گه‌له‌ك وه‌لاتێن ئاسیا و ئه‌وروپا پێ په‌ترۆلن لێ ژ وان وه‌لاتێن زه‌نگینن ل جیهانێ و ئابۆره‌كێ بهێز ژى هه‌نه، كه‌واته ئه‌وا سه‌رۆكێ حكومه‌تاێ هه‌رێما كوردستانێ د پێشانگه‌ها نێڤ ده‌وله‌تیا گه‌شتیاریێ ل هه‌وڵێرێ راگه‌هاندى كو دێ كه‌رتێ گه‌شت و گۆزارى كه‌نه ژێده‌رێ سه‌ره‌كى یێ داهاتى، چه‌ند كار بۆ دهێته كرن؟؟ حكومه‌ت ب چ پلان بزاڤێن ب كرداركرنا ڤێ گۆتنێ دكه‌ت؟؟ بۆ به‌رسڤێ گرنگ ته‌ماشه‌ى واقعى بكه‌ین كو دبینین حكومه‌ت نه‌چاربوویه هزر د ڤێ یه‌كێ دا بكه‌ت چونكى پشت به‌ستنا وى ب تنێ ب به‌رهه‌مێ سامانێن سرۆشتى مه‌زنترین قه‌یرانێ د چار سالێن بۆرى دا بۆ دروست كر، له‌ورا سازكرنا مه‌زنترین پێشانگه‌ها گه‌شت و گۆزارى ل سه‌ر ئاستێ رۆژهه‌لاتا ناڤین ل هه‌ولێرێ بخوه ئێك ژ بزاڤێن هه‌ر مه‌زن یێن حكومه‌تا هه‌رێمێ یه كو ئێدى گه‌شت و گۆزارى سێكته‌ره‌كێ گرنگێ وانه و ژ ئه‌وه‌لیاتێن ب ده‌ست خستنا داهاتى یه، چونكى ژ كه‌رتێ گه‌شت گۆزارى دا، گه‌شتیار ل ده‌رڤه‌ى هه‌رێما كوردستانێ كۆژمه‌كێ پاره‌ى ل گه‌ل خوه دئیننه ناڤا هه‌رێمێ و بۆ ده‌ما چه‌ند رۆژان ئه‌و پاره‌ى د مه‌زێخن، بێى كو هیچ تشته‌كێ ژى ل گه‌ل خوه به‌نه‌ڤه، كه‌واته ئه‌و پاره‌یێ گه‌شتیار ل گه‌ل خوه دئیننته ناڤا هه‌رێمێ؛ ئه‌و پاره ل ده‌خ خه‌لكێ هه‌رێمێ دمینیت و ب ڤێ یه:ێ ژى ئاستێ ئابۆرێ تاكه‌كه‌سێ هه‌رێما كوردستانێ بلند دبیت، له‌ورا ئه‌و گۆتارا سه‌رۆكێ حكومه‌تا هه‌ڕێمێ نێچیرڤان بارزانى د پێشانگه‌ها ناڤده‌وله‌تیا گه‌شتیارى ل هه‌ولێرێ پێشكێشكرى، رێك خۆشكرنه‌كا مه‌زنه بۆ ڤێ یه‌كێ كو ئیدى د سالێن بێهت زۆرترین گه‌شتیار قه‌ستا هه‌رێما كوردستانێ بكه‌ن.
