گرنگیا ده‌نگێن هه‌ڤوه‌لاتیان د وێ ئیكێ دایه كو هزر نه‌كه‌ن ده‌نگێن وان د ئاڤێ دا ب هه‌روه چوون، ئه‌و بێزاری و چاڤه‌رێبوونا هنده‌ك درێژ ل سه‌ر رێكنه‌كه‌فتنا هه‌ردو حزبێن سه‌ره‌كی ب سه‌ره‌كێ خێرێ كه‌فت، ئه‌و ژی هه‌موو دزانن هه‌كه نه ژ رۆلێ نێچیرڤان بارزانی با د رێكه‌فتنا ل گه‌ل ئێكه‌تیێ و رێخۆشكرن بۆ پێكئینانا كابینا نه‌هێ یا حوكمه‌تێ، كی دا ڤێ هه‌ڤسه‌نگیێ چاره‌سه‌ركه‌ت، ئه‌و كه‌سێ شیایی وان گرێكێن مه‌زنتر چاره‌سه‌ربكه‌ت، ل گه‌ل سه‌رۆك و به‌رپرسێن مه‌زنه ده‌وله‌تێن جیهانێ دیالۆگ و پرۆتۆكۆلان ئه‌نجامبده‌ت، چاوا نه‌شێت ل گه‌ل حزبا هه‌ڤكیف چاره‌سه‌ر نه‌كه‌ت، ب چی ره‌نگێ بیت، نه‌هێلا ئه‌و خه‌ونێن نه‌خۆش ببنه راستی و كه‌یفا لایه‌نێن خرابناك بهێن ئه‌جینده‌یێن بیانیان نه‌هاتنه دی، هه‌ردو جێگرێن حزبێن سه‌ره‌كی ئیمزایا رێككه‌فتنا ته‌ڤایی یا سیاسی كرن، رۆلێ كه‌ساتیا وان ژی به‌ری یا حزبان دده‌ته خۆیاكرن، رۆلێ نێچیرڤان بارزانی، هه‌ر كه‌سه‌ك ل كوردستانێ دزانیت، خوه بچیكه‌ك ژی بیت دزانیت هه‌كه ئه‌و سیاسه‌تا وی یا نه‌رم نه‌با، دا پیلانێن خراب سه‌رێ مه به‌ن، ژ پیلانێن به‌غدا بگره و حه‌تا یێن وه‌لاتێن ده‌وره‌به‌ر، دا م به‌ر ب هندابوونێ ڤه به‌ن، رۆلێ كۆسه‌ره‌ت ره‌سۆل جێگرێ ئه‌میندارێ گشتی یێ یێكه‌تی نشتیمانی كوردستانێ یێ پیرۆز ل 16 ئوكتۆبه‌رێ یێ دیاربوو ده‌مێ پێشمه‌رگێ خوه ئینایه هاری یێ پارتی و ده‌ست ل گه‌ل وی بازارێ ئه‌رزانێ كه‌ركووكێ نه‌بوو، به‌لێ هه‌ر وه‌كو یاری یا مه‌زن بوو، ئێدی كریار و ره‌نگه‌ڤه‌دان دا ئه‌نجامێن خرابتر ژێ په‌شن، هه‌لبه‌ت وه‌كو كۆسه‌ره‌ت ره‌سۆل بۆ تۆرا میدیایی یا رووداوێ خۆیاكری كو ئه‌ڤ ئیمزاكرنه بۆ هه‌ردو حزبان یا گرنگه، و بۆ پاراستنا ده‌سكه‌فتێن وان، هه‌كه خه‌له‌ك هزر بكه‌ت كو پاراستنا به‌رژه‌وه‌ندیێن حزبانه، به‌لێ مانێ هه‌ر ئه‌مین ئه‌ڤ هه‌ردو حزبه، و پێنڤێت ده‌ستكه‌فت هه‌ر بۆ ڤه‌ی مله‌تینه، ژ لایێ خوه ڤه ژی پارتی و كه‌سێ نێچیرڤان بارزانی هه‌رده‌م داكۆكی ل سه‌ر پاراستنا سه‌قامگیریێ و ئارامیا هه‌ڤوه‌لاتیان كریه، و ب هه‌رده‌نه‌بوونا ده‌نگێن وان، كو لایه‌نێن ل هه‌لبژارتنان بسه‌ركه‌ڤتین ژی هزر د ئێش و ئازارێن هه‌ڤوه‌لاتیان دا بكه‌ن، هه‌كه هات و ئێكه‌تی ل به‌ر هات هه‌لبه‌ت هه‌ر دێ ب خێرا پارتی و دیالۆگا وێ یا مه‌زن و كاریگه‌ر ل گه‌ل به‌رپرسێن به‌غدا دێ پۆست و پله‌یێن وان ژی كه‌ڤنه ده‌ستان، هه‌روه‌سا ژی دێ ئه‌و روویێ ره‌ش یێ خیانه‌تێ ب پارتی سپی بیته‌ڤه، نها ئێكه‌م پێنگاڤ ئه‌وبوو ئێمزا هاته كرن، ده‌نگڤه‌دانه‌كا سه‌رانسه‌ری بوو، به‌رسڤه‌ك بوو بۆ هه‌موو دوژمنكاران و ئه‌وێن هه‌رده‌م ته‌پك ڤه‌داین كو ئه‌زموونا حوكمه‌تا هه‌رێما كوردستانێ بنبر ببیت و ژناڤبچیت، هه‌روه‌سا گرنگترین خال دێ ئه‌و بیت یا نستیمانیبوونا له‌شكرێ كوردستانێ پێشمه‌رگه‌ی، ئها ئه‌و دێ بیت نهێنیا بهێزكه‌فتنا كوردستانێ، كو هه‌ڤده‌مه ل گه‌ل درووشمێ كابینه‌یا نه‌هێ یا حوكمه‌تا كوردستانێ كو دێ مه‌سرۆر بارزانی ب رێڤه‌به‌ت، هه‌روه‌سا ژی سه‌رۆكاتیا هه‌رێمێ كو دێ نێچیرڤان بارزانی برێڤه‌به‌ت، جهێ هیڤییێن گه‌شێن گه‌نج و لاو خه‌لكێ ڤی مله‌تینه.
شێرزاد نایف
