ل ھەروەلاتەکی چەندین پارتێن سیاسی ھەنە و تشتەکێ سرۆشتییە و ھەر پارتەکێ ژ ڤان خودان ئایدولوژییەکا تایبەت بیت و خودان بەرنامە و پرۆژەیێ خوە بیت، بەلێ ئالا گرنگ ئەوە کو ھەموو پارتێن سیاستی ل دوماھیکێ ئێک ئارمانج ھەبیت ئەوژی پاراستنا وەلاتی و بەرژەوەندیێن وەلاتییە کو ھەر پارتەک ئەڤێ چەندێ ب ھێلا سۆر ددانیت و ھەر پارتەکان دژی بەرژەوەندیێن وەلاتێ خوە کار بکەت و خەلکێ خوە بێخیتە د مەترسێ دا ب پارتەکا خاین دھێتە ناڤکرن و ئێدی جھێ وێ پارتێ د ناڤا وەلاتی دا نامینیت.
لڤێرە پرسیار ئەوە کو ل کوردستانێ چەند پارتێن سیاسی ھەنە، کو بەرژەوەندیێن وەلاتی بۆ وان ھێلا سۆربیت و خیانەتکرن شەرمزاری بیت ب دیتنا چەندین کەسایەتیێن جیھانی چ ژ نڤیسەرانیان سیاسەتڤانان کو ھندەک پارتێن سیاسی دژی بەرژوەندیێن ھەرێما کوردستانێ کارکرییە و باشترین نموونە ئینایە ئەوژی خیانەتا ١٦ی ئۆکتۆبەرێ بوویە و رادەستکرنا کەرکووکێ بوویە بۆ حەشدا شەعبی و ب ئێک ژ خیانەتێن ھەری مەزن ل جیھانێ دھێتە ناڤکرن.
لڤێرە پارتی دیموکراتی کوردستانی کو پارتا ئێکێ ل سەر ئاستێ عیراقێ و ھەرێما کوردستانێ مافێ وێیە ئەو حکومەتێ پێک بینیت دگەل پارتەکا سیاسییان چەند پارتەکێن سیاسی و یا گرنگە دوماھیک ب سیستەمێ ففتی ففتی بھێت وەکو چاوا دیوارێن ئەلمانیا رۆژئاڤا و رۆژھەلات تاتینە ژناڤبرن و گەلەکا ئاسایییە دەمێ پارسەکا سیاسی دبیتەیا ئێکێ و دەنگ و باوەرییا وەلاتیان ب دەستخوەڤە بینیت رێز ل وان دەنگان بھێتەگرن و ھەموو پارتێن سیاسییان ل دیڤ قەبارەیێ خوە بەشداریێ د حکومەتێ دا بکەنیانژی ببنە ئۆپزسیۆن ب تنێ ئەڤە چارەسەرییا واقعێ ئەم تێدا دژین.
ھەروەسا گەلەک پارتێن سیاسی ھەبووینە ھزر دکر، کو دێ شێن ھەموو تشتان کەن بێی کو ھزرەکێ بۆ لایەنێ بەرامبەر بکەن، بەلێ ھوسان دەرنەکەفت ھەردەم شێر پیچەکا ئازادیێ ددەتە خەزالێ ھەتا پیچەکێ بھێت و بچیت، بەلێ شێر باش د زانیت کو ئەڤرۆکە نە سوباھی ھەر خەزال دێ بیتەشیڤا وییان فراڤینا وی.
ئێکەتیێ ھوسان ھزر دکر پشتی ھەلبژارتنا سەرۆک کومارێ عیراقێ بێی ھەموو پارتێن سیاسی و تەوافق، دێ شێت ل کوردستانێ ژی ھەمان سیناریۆ دوبارە کەت، بەلێ مخابن بابەت ژ ھندێ گەلەک مەزنترە، ل بەغدا وان پاداشتێ ١٦ی ئۆکتۆبەرێ وەرگرت، لێ ل کوردستانێ دێ پاداشتێ چ وەرگرن و پارتی ژی مافێ وێیە ئەڤرۆکە بیژیتە ئێکەتیێ دێ ل دیڤ قەبارەیێ تە رەفتارێ دگەل تەکەم و نابیت تو ھندی پارتی پۆستان وەربگری و تە نیڤا پارتی دەنگ نەبن و ل سەر بابەتێ کەرکووکێ ژی ھەتا رەوشا کەرکووکێ ئاسایی نەبیتەڤە و ئاسایی بوون ئەوە کو رەوش وەکو پێش ١٦ی ئۆکتۆبەرێ بزڤریت و نھا باوەرناکەم وەلاتەکێ کورد ل کو ل ھەر چار پارچێن کوردستانێ حەز بکەتیانژی قەبیل بکەت کەسەک ژ تاخمێ خیانەتا ١٦ی ئۆکتۆبەرێ ببتە پارێزگارێ کەرکووکێ و ئەڤ چەندە گەلەکیا ب زەحمەتە پارتێ قەبیل بکەت کو کەسەکێ کەرکووک فرۆتی ببیتە پارێزگارێ کەرکووکێ و هندى ئێكه‌تى یا رژد بیت ل سه‌ر دانانا پارێزگاره‌كێ ب كه‌یفا خوه‌، دێ هه‌ر كه‌ركووك مینیت گرێكا د ناڤبه‌را پارتى و ئێكه‌تیێ دا.
ل دوماھیکێیا گرنگە پشتی کورد د چەندین قوناغێن نەخوەش و دژواردا دەربازبووین ھزرێ ل ھندێ بکەن پاراستنا وەلاتیان و وەلاتی ژ ھەر تشتەکی گرنگترە و ئێکگرتنا ھەموو پارتێن سیاسی دێ بیتە ئەگەرێ ھەبوونا کوردستانەکا بھێز و ئارام بۆ تەڤایا وەلاتیان.