چاكسازییان گوهۆرین ئێخستینه‌ د ژیانا وه‌لاتێن پێشكه‌فتى دا چه‌ندا گرنگه‌ ئه‌م بزانین كو وه‌لات ب چ رێك گه‌هشتینه‌ كوپیتكا سه‌ركه‌فتنان و ژیانا وه‌لاتیێن خوه‌ خوه‌شكرییه‌ ل سه‌رانسه‌رى جیهانێ چه‌ندین جورێن چاكسازیان هه‌نه‌ و هه‌ر ئێك ژ وان هندى ناڤه‌رۆكا خوه‌ گرنگى و كاریگه‌رى ل سه‌ر گوهۆرین و پێشڤه‌برنا سیسته‌مێ حكومرانیێ هه‌یه‌ نابیت بێى هه‌بوونا چاكسازییان هزرێ ل هه‌بوونا چاكسازییان بكه‌ین، به‌لێ مخابن د وه‌لاتێ مه‌دا هه‌موو كه‌س حه‌ز ژ چاكسازییان دكه‌ن، به‌لێ ده‌مێ دبیته‌ گه‌ها وى ئێكسه‌ر دێ خوه‌ نه‌رازى كه‌ت یانژى دێ بیته‌ ره‌خنه‌گر و بێژیت ل هه‌رێما كوردستانێ ب تنێ ئه‌زێ مه‌زلومم.
خالا گرنگه‌ و یا كو گرنگه‌ بهێته‌كرن چاكسازییا ئه‌قلی یه‌ و پێدڤییه‌ ئه‌ڤ چاكسازییه‌ هه‌موو كونجێن وه‌لاتى بگریت بێى جوداهى ئه‌ڤه‌ باشترین رووناهیه‌ بۆ نه‌هێلانا تاریاتیێ و كێماسیان د هه‌موو بیاڤێن ژیانێ دا.
ئه‌ركێ حكومه‌تا هه‌رێما كوردستانێ و سه‌رۆكێ حكومه‌تێ ئه‌وه‌ كو ب كار و پرۆژێن جودا جودا به‌ر‌هنگارى ڤێ ئاریشێ ببیت و بارێ حكومه‌تێ گه‌له‌ك یێ گرانه‌، ژ به‌ركو ب چه‌ندین رێكان دشێت ڤێ رووناهیێ د ناڤ جڤاكى دا به‌لاڤ بكه‌ت، وه‌كو راگه‌هاندن و گوهۆرینا سیته‌مێ په‌روه‌ردێ و ب رێكا بانگخوازێن ئایینى.
بێ گومان ده‌مێ ژ ده‌ردێ نه‌بوونا چاكسازییا ئه‌قلى دێ ژ چه‌ندین ئاریشان رزگار بین وه‌كو درۆستبوونا مرۆڤه‌كى كو ب وژدان كار بكه‌ت و یێ راستگوبیت و پترى هه‌ر تشته‌كى كاركرن و لوژیك فه‌لسه‌فا وى مرۆڤى بیت.
مرۆڤه‌ك به‌رده‌وام ل دیڤ هه‌بوونا پێشكه‌فتنێ و ئینانا تشتێن جوانتر و باشتر بۆ وه‌لاتى، بۆ خوشكرنا ژیانا مرۆڤ و مرۆڤایه‌تیێ ب هه‌بوونا چاكسازیێ گه‌نج دێ داهێنانێ كه‌ن و هه‌ست ب هه‌بوونا وه‌لاته‌كی كه‌ن كو ب وه‌لاتێ خوه‌ بزانن.
دیسان چاكسازیا ئه‌قلى وه‌كو گوزكه‌كێ ئاڤێ یه‌ ده‌مێ ب له‌شێ مرۆڤه‌كى دا دكه‌ت و ئه‌و مرۆڤ ب ته‌مامى دهێته‌ پاقژكرن ئه‌ڤرۆكه‌ پترییا مرۆڤان پێدڤى ب وى گوزكێ ئاڤێ یه‌ و نابیت ئه‌م ره‌خنێ ل خوه‌ نه‌گرین بۆ هندێ ئه‌مین و چاڤێن خوه‌ ل خه‌له‌تیێن خوه‌ بگرین و ئه‌زمانێ خوه‌ ل باشیێن یێن دیتر بگرین دڤێت فیر ببین كو سه‌ركه‌فتن نه‌به‌س ئه‌وه‌ كو تو ژماره‌ ئێك بى، به‌لكو گه‌له‌ك جارا مه‌زنترین سه‌ركه‌فتن ئه‌وه‌ تو رێزێ ل وى كه‌سى بگرى یێ بوویه‌ ژماره‌ ئێك.
ل دوماهیكێ مه‌ پێدڤى ب چاكسازییا ئه‌قلى هه‌یه‌ و نابیت ده‌ست به‌ردارى ڤى جورێ چاكسازیێ ببین، ژ به‌ركو ئه‌گه‌ر به‌رێ خوه‌ بدینه‌ وه‌لاتێ ئه‌لمانیا یان سوید یان سه‌نگاپۆر و چه‌ندین وه‌لاتێن دیتر ب چاكسازیا ئه‌قلى ده‌ست پێكر و ل دوماهیكێ هه‌موو ئه‌و خه‌له‌تى و كێماسى ل وه‌لاتێن وان چاره‌سه‌ر بوون و یا گرنگه‌ ب سه‌رپه‌رشتیا حكومه‌تا هه‌رێما كوردستانێ و وه‌لاتیان هه‌وه‌كا به‌رفره‌هـ بۆ په‌یداكرنا چاكسازیا ئه‌قلى ده‌ست پێ بكه‌ن و ل دوماهیكێ دێ ئه‌و رووده‌ت یا كو خه‌ونا هه‌ر تاكه‌كێ ڤى وه‌لاتى بیت.