د وەرگرتنا دەستھەلاتداریەکا مەزن دا ھێز و باوەریەکا مەزن دڤێت ،ل ھەرێما کوردستانێ ژی زوور نەحەز ھەنە تانوکە ژبەر خیانەت و نەزانینا برێڤەبرنا سیاسەتەکا دروست و دوور ژ کار و سودمەندیێن کەسوکی و ژدەست نەدانا کورسیکێ ئەوا ژبوی مەرەمێن خوەیێن کەسوکی بکاردئینن نەشێن کوردستانێ برێڤەببەن و ببنە باوەریا زووربەیا خەلکی کوبشێن نوینەراتیاوان ل سەر ئاستێ ناڤخوەیی ودەرەکی بکەن ، دێ رابن ب پروپاگندەیا ھندێ مژوولبن کو دەستھەلات ددەستێ بنەمالا بارزان دایە ئەو بنەمالا کو ب درێژاھیا مێژوویێ خودان قوربانیێن زوور و خەبات و شورشەکا راست و دروست و دوور ژ خیانەتێ بوینە دگەل مللەتێ خوە و ئازادیخوازبوینە ، دێ بێژن دەستھەلات بوان مایە . لڤێرێ ددەمێ دەستھەلات ددەستێ بنەمالا شورشگێران دابیت و نوینەر و جھێ باوەرا خەلکی دابن بی َگومان دێ خەلک ئارام ژین و دچاڤ نەترس بن دھەر روویدانەکا نەچاڤەرێکری دا ، ھەروەک دەستھەلات ددەستێ مە ھەموو تاکەکێ دا . ژبەر ڤێ چەندێ ژی وەکی د دوماھی کومبونا ئاسایی دا یا ئەنجومەنێ سەرکردایەتیا پارتیدا بریار دا کو ھەریەک ژ خزمەتکارێن گەلێ مە جھێ رێزو باوەریا ناڤخوەیا ھەرێمێ و دەرڤە دوپلوماتکار و سیاسەتڤان (نێچیرڤان بارزانی) ژبوی پوستێ سەروکاتیا ھەرێما کوردستانێ و ھێمایێ ئارامیا کوردستانێ (مەسرور بارزانی )ژبوی سەروکێ حکومەتا ھەرێما کوردستانێ بھەلبژێرن ، لڤێرێ و لڤی دەمی ئەڤە بریارەکا ددەم و جھی َخوە دا بویە ژبوی رێکخستنا ھەموو بوارێن ئیداری و نەھێلانا گەندەلیی َو دووبارەنەبون و رێک نەدان ب خیانەتکارێن پیلانێن ١٦ی ئوکتوبەرێ ئەوێن کو بەردەوام ھزرێن وان لسەر فروشتن و ژدەست دانا کوردستانێ ...

چونکە ھەبونا کەسێن قەبولکری لسەر ئاستێ ناڤخوەیی و دەرەکی پوستێ سەروکاتیا ھەرێمێ و حکومەتێ دێ بیتە ئەگەرێ دروستکرنا (کوردستانەکا بھێز)کو درو شمێ پارتی یە . دیسان ھەماھەنگی و ھەڤالینیا ؛ نێچیرڤان بارزانی ؛ل گەل سەرکردە و سەروکێن وەلاتێن زلھێزێن جیھانێ ، دێ بیتە ئەگەرێ پاراستن و بھێزکرنا کوردستانێ لھەبەر ھەر گەفەکێ ، چونکە مە ھەموویان ب چاڤێن خوەدیت د نەخوەشترین و ئالوزترین دەم دا کێ کوردستان پاراست و کێ خیانەت لێکر و پشتاخوەدایێ ، ئەڤجا ھیڤی بو مە دروست بوینە کو بێی شک دێ چوار سالێن نوویێن ھەماھەنگی و ھەفکاریا ؛ نێچیرڤان بارزانی و مەسرور بارزانی ؛ دھەردوو پوستێن گرنگ ھەروەکو پێشتر چاوا ھاریکار و ھەماھەنگ بوون لگەل ھەڤ ژبوی پاراستن و ئێمناھیا رەوشا خەلک و ھەرێما کوردستانێ ، لەوا ب پشت راستی باوەرین ئەڤ ھەردوو جووت پسمامە دێ رەوشا خەلکی و کوردستانێ گەھیننە ئاستەکێ بلند و بھێزتر ، ژلایەکێ دیڤە ژی بەردەوام سومبل و مەرجەعێ کوردستانێ جەنابێ ؛ سەروک بارزانی ؛ دێ نوینەراتیا خەلکێ ھەرێمێ لسەر ئاستی َسیاسی ناڤدەولەتی کەت و نوینەراتیا ھەرێما کوردستانێ کەت د ھەماھەنگی و چارەکرنا ئاریشەیان دگەل بەغدا و وەلاتێن بیانی . ژبەرڤێ یەکێ ژی دێ بەرپرساتیا ؛ نێچیرڤان بارزانی ؛ مەزنتر و گرانتر لێھێت ژبەر کاراکرنا پوستێ سەروکاتیا ھەرێمێ دڤی دەمی دا کو دێ ژلایێ جەنابێ وی ڤە ھێتەوەرگرتن ، ئەڤە دێ قوناغەکا نوو ژبوی ھەرێما کوردستانێ ئینیتە پێش و دەستپێکەت ژبوی رزگاربونا ھەموو قەیران و رەنج و ماندووبونا گەلێ کوردستانێ یێن چوار سالێن دەرباز بوی ب داوی ھێت .