سیستەمێ ففتی ففتی د حكومه‌تێ دا یێ سه‌ركه‌فتى نه‌بوو
به‌ده‌ل گابێركى
ھەمبەر دروست بوونا حوکمەتا داھاتی یا کوردستانێ پارتی دیموکراتی کوردستان کو خودانا ٤٥ کورسیکێن پەرلەمانی یە و سەرکەفتیا ھەلبژارتنانە دەست ب دانوستاندنا کریە ل گەل لایەنێن سیاسی، پارتی ل گور رێکەفتن و سەنگا پارتێن سیاسی دێ کار کەت ئالیێن سیاسی پشکداری حوکمەتا داھاتی ببن، دبینم دێ حزبێن کوردستانی پشکداری کابینا نوو بن ل گەل وێ چەندێ سەنگا ٤٥ کورسیێن پارتی ل بەرچاڤ بھێنە وەرگرتن.
ل دووڤ کاودانێن کوردستانێ یا بزحمەتە پارتی بتنێ خودانا ٤٥ کورسیان بشێت دەست ھەلاتێ بگێریت چنکو مایتێکرنا وەلاتێن ھەرێمی ل کوردستانێ ھەیە و هه‌رده‌م سه‌رۆكێ حكومه‌تێ نێچیرڤان بارزانى دوپاتى ل ئێكگرتنێ و ئاڤه‌دانیا كوردستانێ كرییه و دڤێت حوکمەتا داھاتی پارتی بەرژوەندێن خەلکێ کوردستانێ بەرچاڤ وەربگریت ل گورەی وێ باوەریا خەلکی دایێ و کاربکەت بۆ نەھێلانا پاشکەوتێ مووچان، گەندەلیێ نەھێلیت و دڤێت حوکمەتا داھاتی یا کوردستانێ کاربکەت ئەو کێشێن ھەرێمێ ل گەل بەغدا چارەسەربکەت، تەناھی و ئارامیێ بۆ خەلکێ کوردستانێ دابین بکەت.
دیسان یا پێدڤی یە ھەموو ئالیێن سیاسی رێزێ ل ئەنجامێن ھەلبژارتنان بگرن و حورمەتا ئیرادا گەل ل بەرچاڤ وەربگریت و ھەمبەر حوکمەتا بنگەهـ فراوان و سیستەمێ ففتی ففتی ب دیتنا من سەربورەکا تەحل بێ واتا گەل ھەیە، چنکو ئەڤێ چەندێ خزمەتا بەرژوەندا گشتی نەکریە، ب لێبورین نە پارتێن سیاسی ل کوردستانێ تێ بگەھن و ئوپۆزسیوونێ گەھشتینە دووڤ پرەنسیپێن قانوونا ئوپزسیوونێ ب رێڤە چووینە و نەژی لایەنێن دناڤا دەست ھەلاتێ دا دشێن دروستی مافێن ھەولاتیان ب پارێزن، ژ بەر ڤێ چەندێ، دبێژم بلا بەز بیت پارتی مەردنیێ ب دەنگێن دەنگدەرێن خوە بکەت و شایستێن خوە بۆ پوست و پلا پێشکێشی ئالیێن دیتر بکەن.
دیسانحکومەتا زورینە دێ پتر شێت رۆلێ خوە یێ ئەرێنی رابیت و خزمەتا گەل و وەلاتی دا، چنکو پارڤەکرنا پوستان ل سەر بنەمایێ رێژا دەنگان یێ پشست راستم دێ ململانێ بۆ خزمەتکرنێ خورت تر لێ کەت، مللەت دێ قازانجا گەلەک دەستکەفتان کەت بەرۆڤاژی دێ ھەر پارتێن سیاسی پێل ژیرۆ و ژیارا وەلاتیان کەت.
هه‌روه‌سا پارتی ل حوکمەتا داھاتی دێ ھەموو بزاڤا کەت ھێزا کوردستانێ وەک بەری ھاتنا داعش ڤەگەرینت و رەوشا دارایی و ئابووری یا خەلکێ کوردستانێ بەر ب باشبوونێ ڤە بچیت، لێ ئه‌وحەتا چ رادە دێ ل دووڤ خواستا ھەرێما کوردستانێ بیت و ئەڤە دێ ل دووڤ عەقلیەتەکا گەنجانە ھێتە چەسپاندن.
ل دوماهیكێ بدتنا من پارتی دێ دحوکمەتا داھاتی دا ل گەل وێ چەندێ بیت سەرۆک وەزیران دو جێگر ھەبن کو ئێک ئێکەتی وئێک گوران و ئەڤە ژی دێ ێ چەندێ گەھینت کو ھەر بزاڤەکا ئاڤەدانی ل پارێزگەھا سلێمانیێ بھێتە روودان ئێکەتی ب دەست کەفت بخوە نەبیت بەلکو ھەر دو پارت ب دەستکەفتێن خوە بینن چنکو جێگرێن سەرۆک وەزیران دێ ژ ھەر دو پارتان بن.
